Андрей Фёдоров: "Олимпиячиларимизга омад ёр бўлсин"
16 янв 2016 15:23
Янгиликлар

Андрей Фёдоров: "Олимпиячиларимизга омад ёр бўлсин"

Фарғонанинг "Нефтчи" клуби бош мураббийи Андрей Фёдоров бугунги Ўзбекистон - Ироқ ўртасидаги ўйиндан олдин ўз фикрларини билдирди.

"Албатта олимпиячиларимизнинг Қатардаги биринчи ўйинини ҳаяжон билан кузатиб бордик. Жанубий Кореяга қарши ўйинда ҳакамнинг хатоси бизга қимматга тушди. Йигитларимиз камида дурангга лойиқ ўйнашганди. Аммо ҳали имкониятимиз бор.

Бугун Ироққа қарши баҳсда олимпиячиларимизга фақат ғалаба ёр бўлишини тилайман. Халқимиз Ўзбекистон Олимпиада ўйинларига йўлланма олишини кутмоқда. Бу борада йигитларга омад тилайман, - дейди Фёдоров.