"Андижон" сафига янги ўйинчиларни қўшилиши давом этмоқда

Бугун иккита ўйин ўтказиш режалаштирганди ва шулардан бири бўлиб ўтди. "Бунёдкор" ёшлар жамоасига қарши кечган назорат баҳсида Эдгар Гесс иккинчи таркибни майдонга туширди. Шунинг жамоа сафига қўшилган янги футболчиларни ҳам синаб кўрди. Учрашувда андижонликлар 2:3 ҳисобида имкониятни бой беришди. "Андижон"дан голларга Комил Низомов билан Тўлқин Мирзаев муаллифлик қилишди.

Куни кеча таркибга бир нечта янги ўйинчилар қўшилди. Илгари "Тўпаланг", "Машъал", "Қизилқум" ва "Динамо" жамоаларида ўйнаган ҳужумчи Тўлқин Мирзаев кўрикдан ўтказиляпти. Бундан ташқари хуқуқий жиҳатдан "Пахтакор"га тегишли бўлган ва ўтган йили "Динамо"да тўп сурган Фарруҳ Шотурсунов ҳам машғулотларда қатнашмоқда. "Бунёдкор" ёшларига қарши кечган ўйинда Гесс бу футболчиларни майдонга тушириб синаб кўрди. Бугун куннинг иккинчи ярмида жамоамиз биринчи лига вакили "Оқ-тепа"га қарши назорат учрашувини ўтказади.