«Андижон» душанба куни йиғилади
09 июл 2016 09:57
Янгиликлар

«Андижон» душанба куни йиғилади

Теглар : Андижон

«Насаф»га Кубок учрашувидан сўнг жамоамиз аъзолари қисқа муддатли таътилга чиққанди. Мураббийлар штабининг режасига кўра 11 июлдан йиғин бошланади.

Бу борада Чирчиқ шаҳридаги қароргоҳ танланган. У ерда икки ҳафта давомида шуғулланилади. Сўнг Қаршида «Насаф» билан Кубок доирасидан ўрин олган жавоб учрашувига борилади. Ушбу йиғин давомида 5-6та синов-назорат ўйини ташкил этилиши кўзда тутилган. Ҳозирча спарринг-рақиблар номи аниқ эмас.
Шунингдек жамоамиз сафидаги ўзгаришлар мухлисларнинг диққат марказида бўлиб турибди. Ишқибозларга шуни маълум қиламизки, ҳозирча «Андижон»ни расман Алишер Шоғуломов ва Ғулом Ўрунов тарк этди холос. Албатта йиғин бошлангач яна бир қатор эътиборга молик ўзгаришлар рўй беради. Фақат бу ҳақда кейинроқ хабар берамиз.

Дарвоқе, биринчи даврани 3-ўринда якунлаган ёшлар жамоамиз ҳам янги ҳафтадан тайёргарликни бошлайди.

Ҳавола :

Манба : fcandijon.uz

Янгиликларни Телеграмда ўқинг!

Рейтинг: +3