UZ

Сўнгги янгиликлар

22:58Ҳакимининг агенти: “Бавария” катта клуб, аммо...”  0 22:47Олдриж: “Вернер “Ливерпуль” учун ажойиб трансфер бўларди”  7 21:56Моуриньо туғилган куни учун берилган тортга ажойиб таъриф берди  15 21:52Гарет Бэйл дербида майдонга тушиши кутилмоқда  1 21:28Контенинг юраги дурангни кўтара олмаган  10 21:11"Арсенал" Обамеянгни "Барселона"га қўйиб юборишга тайёр  12 21:09Кўринг, фақат йиғламанг! Дунё аҳли Коби Брайант билан қай тарзда видолашмоқда?  61 20:57Азар "Манчестер Сити"га қарши ўйингача сафга қайтиши кутилмоқда  3 20:46Коронавирус яна бир бор футболга таъсирини ўтказди  9 20:37Коронавирус сабабли "Краснодар"нинг Хитой жамоасига қарши ўйини бекор қилинди  2 20:25"Ал Айн" бош мураббийи: "Моуриньодан жуда кўп нарса ўрганганман"  22 20:11"Реал" ҳужумчилари 5 ўйиндан буён гол ура олишмаяпти  4 19:59Вадим Абрамов: "Ал Айн" ўз уйидаги учрашувларни кўнгилдагидек ўтказа олмаяпти, эртага ҳам шундай бўлишига умид қиламан"  38 19:59Эмре Жан яқин вақтлар ичида жамоасини ўзгартиради  2 19:46"Милан"нинг асосий футболчиси "Севилья"га ўтишга яқин  3

"Андижон" билан ўйинда "Насаф"ни Бердиев эмас, катта эҳтимол Тошпўлатов бошқаради Янгиликлар

"Андижон" билан ўйинда "Насаф"ни Бердиев эмас, катта эҳтимол Тошпўлатов бошқаради

Хабарингиз бор, эртага Лига Кубоги доирасида "Насаф" жамоаси Андижонга сафар қилади.

Эртанги "Андижон" - "Насаф" ўртасидаги баҳсда қаршиликларни Рўзиқул Бердиев бошқармаслиги мумкин. Сабаби, айни пайтда Тошкентда мураббийларнинг Про лицензияси учун ўқув курслари давом эттирилмоқда. "Насаф" устози Рўзиқул Бердиев эса айни пайтда ўқув курсларида иштирок этмоқда.

"Насаф"ни эса Андижонга Бердиевнинг ёрдамчиси Шуҳрат Тошпўлатов олиб кетган. Агарда эртага ўқув курсидан Бердиевга жавоб беришмаса, Лига Кубоги доирасидаги баҳсда "Насаф"ни Шуҳрат Тошпўлатов вақтинча бош мураббий сифатида бошқариб тушиши мумкин. Бу ҳақда мураббийнинг ўзи сайтимиз ходими Шаҳбоз Беғамовга маълум қилди.

Суперлиганинг 13-тур доирасида Қаршида "Насаф" "Сурхон"ни 2:0 ҳисобида мағлуб этганди. Ўша беллашувда Рўзиқул Бердиев биринчи бўлим ўртасида майдондан чиқиб кетгани кўпчиликда савол уйғотганди. Мазкур ҳолат бўйича ҳам Рўзиқул Бердиев тушунтириш берди.

"Футбол эҳтиросларга бой ўйин. Учрашув вақтида эҳтиросларни жиловлай олмай қолиш мумкин. Раҳбарият билан ҳеч қандай муаммо йўқ. Ортиқча ҳавотирга ўрин йўқ. Мухлисларимиз жамоамиз кўрсатаётган ўйиндан роҳатланиб, футболдан завқ олиб, "Насаф" билан фахрланишлари керак. Ёш иқтидорлар билан ўйинимиз ҳам, натижаларимиз ҳам ҳозирча ёмон эмас. Фахрланса арзийдиган жамоамиз бор. Иккинчи даврада ҳам мухлисларимизни қувонтиришга ҳаракат қиламиз. Шу боисдан кўнгилни хотиржам қилишлари мумкин. Мен айни пайтда Про лицензияси бўйича ўқув курсларини давом эттирмоқдаман", - дея таъкидлаб ўтди "Насаф" бош мураббийи Рўзиқул Бердиев.

Эслатиб ўтамиз, "Сурхон"га қарши беллашувда Рўзиқул Бердиев биринчи бўлимда раҳбарият билан келишмовчилик сабаб ўриндиқни тарк этганди. Кейинчалик яна ўз жойига қайтган мутахассис учрашувдан кейинги матбуот анжуманида қатнашмай стадионни тарк этгани миш-мишларни янада авж олдирганди. 

Бироқ Бердиев сайтимиз ходими Шаҳбоз Беғамов билан бўлган суҳбатда ҳаммаси жойида эканлиги ва клуб ҳамда вилоят раҳбарияти билан тушунмовчиликлар бартараф этилганини алоҳида қайд этган.

Эртанги "Андижон"га қарши ўйинда Рўзиқул Бердиевнинг бориш ёки бормаслиги мураббийнинг ихтиёрида эмас. Агарда "Андижон" билан баҳсда "Насаф" бошқарувида Рўзиқул Бердиевни кўрмасангиз ортиқча ҳавотирланишга ўрин йўқ. Чунки мураббий айни пайтда Тошкентда Про лицензия бўйича ўқишни давом эттирмоқда.

Қайд этиш керакки, Қаршининг "Насаф" жамоаси Суперлиганинг биринчи даврасидан сўнг 21 очко тўплаган ҳолда 3-ўринни "Навбаҳор", "Бунёдкор" ва "Сурхон" жамоалари билан бўлишиб турибди. Лига Кубогида эса жамоа биринчи турда Қаршида "Навбаҳор" жамоасини йирик ҳисобда тор-мор келтирганди ва эртага иккинчи тур доирасида "Андижон" меҳмонига айланади. Ўзбекистон Кубогида эса "Насаф" Фарғонанинг "Истиқлол" жамоасини мағлуб этиб нимчорак финалга йўл олганди.

Рейтинг: +64   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг