“Андижанка” 2-турни кетма-кет ғалаба билан бошлади

Илк турда 5-ўринни қўлга киритиб, навбатдаги турда иштирок этиш хуқуқини қўлга киритган “Андижанка” жамоаси дастлабки икки турни ҳам ўз фойдасига ҳал қилди. 

Ориф Маматказин бошқарувидаги “Андижанка” кеча тақвимга кўра Нукуснинг “Қирқ-Қиз” жамоаси билан куч синашди. Айтиш керакки, ушбу баҳсда қизларимиз ишончли ғалабага эришди.  

“Андижанка” – “Қирқ-Қиз” 3:0

“Андижанка”: Дилафруз Ходжаева, Елена Лагуткина, Ойгул Яқубов, Ўғилой Қўчқорова, Рушана Сафина, Зиёда Тўланбоева, Рўза Асқарова, Гулнора Давронова, Мафтуна Жўраева, Моҳира Жўрабоева, Назокат Маматисақова.

Голлар: Ойгул Яқубова (2та), Ўғилой Қўчқорова.

Бугун эса “Андижанка” Тошкентнинг “Локомотив” жамоасига қарши баҳс олиб борди. Бу сафарги учрашув эса чинакамига қизларимизнинг бенефисига айланиб кетди. Иштаҳа овқат пайтида келади деганларидек, футболчиларимиз ҳам рақибини ортиқча аяб ўтирмади ва жавобсиз нақд 11та (!) тўп киритишга муваффақ бўлди. Ўғилой Қўчқорова ва Мафтуна Жўраева хет-трик қайд этган бўлса, Рушана Сафина дублга эришди. 

“Локомотив” – “Андижанка” 0:11

“Андижанка”: Дилафруз Ходжаева, Елена Лагуткина, Ойгул Яқубов, Ўғилой Қўчқорова, Рушана Сафина, Зиёда Тўланбоева, Рўза Асқарова, Гулнора Давронова, Мафтуна Жўраева, Моҳира Жўрабоева, Назокат Маматисақова.

Голлар: Ўғилой Қўчқорова (3та), Мафтуна Жўраева (3та), Рушана Сафина (2та), Елена Лагуткина, Гулнора Давронова, Зиёда Тўланбоева.

Энди эртага “Андижанка” қизлари Тошкент вилоятининг “Юзробод” жамоасига қарши ўйнайди. 

“Андижанка” ФК матбуот хизмати.