Анчелотти “Ливерпуль” устидан қозонилган ғалабадан кейин: “Бахтлимиз, мамнунмиз”

“Жудаям бахтлимиз, барчасидан мамнунмиз. “Эвертон” узоқ вақтлардан буён “Энфилд”да ғалабага эришолмаётганди. Мухлисларга узоқ кутилган хурсандчиликни тақдим эта олдик.  Яхши ўйнадик, учрашув бошидан охирига қадар совуққонликни сақлаб қолдик, тинимсиз ҳаракат қилдик. Имкон бўлганди голлар урдик.

Учрашув бошида Ришарлисон ва Хамеснинг ажойиб комбинациясидан сўнг гол киритдик ва бу бизга кўпроқ ишонч бағишлади.

Жордан Пикфорд дарҳақиқат ишончли ўйнади. Қолаверса, ҳимоямиз ҳам бехато ҳаракат қилди. “Энфилд”га келаркансан, ҳимояланишга асосий эътиборни қаратишга мажбур бўласан. “Ливерпуль” ҳали ҳамон фантастик жамоа. 

Якунда биз уч очколик бўлдик. Дерби – алоҳида аҳамиятга эга баҳс. Энди биз ўз уйимизда ғалабага эришишимиз керак.  Бу мавсум “Гудисон Парк”да у қадар ишончли ўйнай олмаяпмиз”, дея италиялик мураббийнинг сўзларидан иқтибос келтирмоқда ВВС.