Ла Лигадаги илк мағлубиятдан кейин Карло Анчелотти ўз фикрлари билан бўлишди. Бунгача жамоа 10 ғалаба ва 2 дуранг қайд этиб турганди.
“Улар шундай ҳаракат қилишини билардик. Бугун улар ўзаро тўқнашувларда устун келишди. Бу ёмон кеча эди, бори шу.
Стратегияни ўзгартиришимиз керак эди, аммо буни қилмадик ва бу учун жазоландик. Шунингдек, деярли барча дуэлларда ютқаздик.
Винисиус 2 ё 3 та имкониятдан фойдалана олмади, одатда ундай бўлмасди. Бу энг яхши ўйинимиз эмасди.
Реферига келсак, у ҳақда ҳеч қандай фикрим йўқ. Бунинг учун ВАР бор.
Бизга янгилик етишмаяпти, аммо ўтган ўйинлардан кейин бу нормал ҳолат. Энди мавсумнинг илк қисмини таҳлил қилиш, яхши томонларни кўриб чиқиш керак.
Чемпионлар Лигаси плей-оффидамиз ва Ла Лигада яхши ўйнамоқдамиз. “Кадис”га қарши учрашувни қойилмақом ўтказишимиз, дам олишимиз ва ишга қайтишимиз керак”, дейди италиялик мутахассис.
