Туриннинг "Ювентус" клуби "Рома" билан сафарда дуранг қайд этган (0:0) бўлсада, муддатидан олдин чемпионлик масаласини ҳал қилди. Шу тариқа, "кекса синьоралар" кетма-кет еттинчи бор бош совринни ўзлариники қилишди. Бу эса А Серия рекорди ҳисобланади.
Ўз навбатида, туринликлар бош мураббийи Массимилиано Аллегри Европа Топ-5 чемпионатлари тарихида кетма-кет 4 бор олтин дубл (Чемпионат+кубок ғолиблиги) қайд этган биринчи мураббий бўлди. Эслатиб ўтамиз, Аллегри "Ювентус" бошқарувига 2014 йилда келган ва ўшандан буён ҳар йили ҳам чемпионат, ҳам кубокни ўзиники қилмоқда.
