Алиризо Фағони: "Финал ҳақида гапиришга ҳали эрта"
06 июл 2018 11:11
Янгиликлар

Алиризо Фағони: "Финал ҳақида гапиришга ҳали эрта"

Теглар : ЖЧ-2018 Алиризо Фағони

Эронлик ФИФА рефериси Алиризо Фағони жаҳон чемпионати ўйинларини бошқаришдан олам-олам таассурот олаётганини айтиб ўтди.

Бу ҳакам учун айниқса ЖЧ-2018нинг 1/8 финалидан ўрин олган Аргентина - Франция баҳси жуда муҳим бўлди. Хабарингиз бор, бунда французлар 4:3 ҳисобида ғалаба қозонишди ва эронлик ҳакам ўйинни яхши бошқарди.

Фағони журналистларнинг "Финални бошқаришга тайёрмисиз?" саволига шундай жавоб қайтарди:

"Жаҳон чемпионатида яхши ҳакамлар кўп ва финални бошқариш учун ҳаммада имконият бор. Агар мендан ФИФА финални бошқаришимни сўраса бунга албатта лаббай деб жавоб бераман. Лекин бу ҳақда гапиришга ҳали эрта. Мен ўйиндан ўйинга ўзимни энг яхши томонлама кўрсатишга ҳаракат қиляпман".

Маълумот учун, Алиризо Фағони 1978 йилда туғилган ва 2008 йилдан бери ФИФА рефериси ҳисобланади. У 2014 йил ОЧЛ финали, 2015 йил Осиё Кубоги финали, 2015 йил клублар ўртасидаги жаҳон чемпионати финали ва 2016 йил Олимпиада ўйинлари финалини бошқарган.

Ҳавола :

Манба : persianfootball.com

Янгиликларни Телеграмда ўқинг!

Рейтинг: +11