Александр Крестинин: "Бизни вазиятни ўзгартириш учун чақиришган, буни амалга оширяпмиз"

Ўйиндан кейин матбуот анжумани бўлиб ўтди ва унинг иккинчи қисмида мезбонлар устози Александр Крестинин таассуротлари билан ўртоқлашди. 

"Бунёдкор" мухлисларини ғалаба билан табриклайман. Оғир ўйин ўтказдик. Мавсум охирида бу табиий ҳол. Чунки ҳозир футболчиларда ҳам жисмоний, ҳам руҳий чарчоқ тўпланиб қолган. 

Профессионал футболчи ёки мутахассис ишига муносиб тарзда ёндашади. Барчамиз ишлашда давом этяпмиз. Бунинг учун жамоадагиларга раҳмат дейман. Бизда ундай муаммо йўқ. Охирги 5 та ўйинда фақат бир марта сафарда мағлуб бўлдик. Тўртта ўйиндан бери ютқазмаяпмиз, йигитлар ҳаракат қиляпти. Жамоа жисмонан яхши ҳолатда, улар курашишмоқда. Тўғри, қайсидир режаларимиз иш бермоқда, қаердадир эса нимадир ўхшамаяпти, аммо йигитларга эътирозим йўқ.

Бизни вазиятни ўзгартириш учун чақиришган — буни амалга оширяпмиз. Жамоанинг услуби ўзгарди, баъзи футболчиларга майдонда бошқа жой топдик. Янги номлар, ёш футболчиларни таркибга қўшиб боряпмиз. Албатта, бу ишни ярим йилда амалга ошириш жуда мушкул. Бу вазият учун кўрсатаётган натижаларимизни яхши деб ҳисоблайман. Аввал ҳам натижа ёмон бўлмаган, аммо бизни таклиф қилаётганда бошқача ишлашни, ҳужумкорроқ футбол қуришни сўрашган. Бу эса футболчилардан яхшигина энергия талаб қилади. Бу осон эмас, ўтган вақт давомида ким умуман хатосиз футбол қура оларди? 

Дастлаб бугунги ўйинни таҳлил қиламиз ва кейин дербига тайёргарликни бошлаймиз. "Бунёдкор" ва "Пахтакор" тўқнашуви чемпионат безаги ҳисобланади. Бу беллашув жуда қизиқарли ва ҳар икки жамоа учун қийин бўлиши турган гап. 

Академияни имкон қадар кузатиб борамиз, албатта. Баъзи футболчиларни асосий жамоа машғулотларида синаб кўрамиз. Фурсатдан фойдаланиб, ёш футболчиларимизни муваффақият билан табриклаб қоламан. Балки улар матбуот анжуманини кўра олар. Ҳаммаси яхши. Насиб қилса, жаҳон чемпионатидан қайтишса, уларни албатта, табриклаймиз.  

Ёшлар ўсиб бормоқда, футбол ривожланяпти. Ўзбекистондаги футболи ривожланиши жиҳатидан Ўрта осиёдаги энг яхши мамлакат бўлиб турибди", - деди Крестинин.