Александр Ежов: "Молиявий имкониятимиз кучли футболчиларни жалб қилишга камлик қилади"

"Кўрганингиздек қизиқарли ўйин бўлди. Афсуски учрашув мухлисларсиз ўтказилди. Йигитлар майдонда борларини беришди. Тўғри бироз тажриба етишмаяпти. Боиси улар ҳали ёш. Футболчиларга кучли хоҳиш ва иштиёқ учун раҳмат айтаман. Мухлислардан, ҳомийлардан бизни қўллаб-қувватлашларини сўраб қолардим. "Бухоро" кучли жамоа бўлишига қарамасдан жамоам бўш келгани йўқ. Гол ўтказиб юборишимиз ёки ўйин сўнггида ғалаба тўпини киритишимиз ҳам мумкин эди. Қулай вазиятлардан фойдалана олмаганимиз маҳорат етишмагани билан боғлиқ, деб ўйлайман. Дуранг адолатли натижа. 

Жамоадаги ўзгаришлардан қай даражада кўнглим тўлди? Оғриқли савол. Биз ҳам яхши жамоа тузишни истаймиз. Бир ёки икки йилда суперклуб тузиш қийин. Биз кўпроқ ёш футболчиларга эътибор қаратишни лозим, деб топдик. Молиявий ҳолатимиз яхши бўлганда юқори савияли футболчиларни таклиф қила олардик. Мен ёмон айни пайтдаги ҳолатимизни ёмон демайман. Лекин кучли футболчиларни жалб қилишга бу камлик қилади. Бўлғусида ҳаммаси яхши бўлади, деб ўйлайман. Мен ўзим хоразмликман. Қонимда Хоразм қони оқмоқда. Шу боис клубни юқори ўринларга олиб чиқишни истайман. 

Ҳар бир ўйинда оптимал таркибда ўйнай олмаяпмиз. Майдон суъний бўлгани учун жароҳатлар кўпаймоқда. Олдинга интилишда давом этамиз",- дейди Александр Ежов.