"Ал Насср" январда Нуньес учун 75+ млн евро ва бонуслар таклиф қилди, аммо...

Инсайдер Фабрицио Романонинг хабарига кўра, "Ливерпуль" иккита расмий таклиф олган ва улардан иккинчисида 75 млн евродан ортиқ маблағ, шунингдек бонуслар кўзда тутилганди.

Саудия клуби форварднинг ўзи билан ҳам музокараларда анча олдинга силжиган ва унинг якунда ўтишга рози бўлишига ишончи комил эди.

"Ливерпуль" якунда муносиб ўринбосар топа олмагани сабаб битим тузишни рад этган.

Нуньес жорий мавсум АПЛ доирасидаги 18та ўйинда майдонга тушиб, 4та гол уришга эришди.