"Ал Ҳилол" - "Локомотив". Ким Жонг Хёк ишлаган ўйинларнинг барчасида жамоаларимиз ғалаба қозонишган
25 фев 2015 13:34
Янгиликлар

"Ал Ҳилол" - "Локомотив". Ким Жонг Хёк ишлаган ўйинларнинг барчасида жамоаларимиз ғалаба қозонишган

Бугун ОЧЛ 1-туридан ўрин олган "Ал Ҳилол" - "Локомотив" ўйини бўлиб ўтади. ОФК ушбу баҳсга жанубий кореялик Ким Жонг Хёк бошчилигидаги ҳакамлар бригадасини тайинлади.

1983 йилда туғилган бу ҳакам халқаро фаолиятини 2009 йилда бошлаган.

Умуман олганда бу ҳакам жамоаларимиз иштирокидаги жами 3та ўйинда ишлаган. Бу ҳакам иштирокидаги барча ўйинларда жамоаларимиз ғалабага эришишган.

Ким Жонг Хёк бошқарган ўйинлар ҳақида маълумотлар:

Ўтган йил Уммонда бўлиб ўтган Осиё U-22 чемпионатида Ўзбекистон Хитойни 2:1 ҳисобида мағлуб этганди. Осиё Кубоги-2015 саралашида миллий терма жамоамиз сафарда Вьетнамни йирик ҳисобда таслим қилган - 3:0.

2013 йилги ОЧЛ илк турида "Пахтакор" Тошкентда Саудия Арабистонининг "Ал Иттифоқ" клубини қабул қилиб ғалабага эришган - 1:0.

Эслатиб ўтамиз, "Ал Ҳилол" - "Локомотив" учрашуви 25 февраль куни 22:30да бошланади.

Нарзулла Сайдуллаев

Ҳавола :

Манба : championat.asia

Янгиликларни Телеграмда ўқинг!

Рейтинг: