Акмал Холматов “Истиқлол”да

Бироқ Холматов эндиликда ўзини бошқа чемпионатда синаб кўришга қарор қилган кўринади.

Гап шундаки, Акмал Холматовга Тожикистоннинг “Истиқлол” клубидан жиддий таклиф тушган. Шу боис 40 ёшли футболчи айни дамда душанбеликлар сафида шуғулланмоқда. Аммо Холматов расман шартномага имзо чекмагани айтилаётир. Асли тожикистонлик бўлган Акмал бугунги кунда Ўзбекистон фуқароси саналишини кўпчилик билмаса керак. Шу боис уни “Истиқлол” клуби осиёлик легионер сифатида жамоага олишни режалаштирган. Эслатиб ўтамиз “Истиқлол” 2015 йил ОФК Кубоги финалчиси саналади. Шуни ҳам таъкидлаш лозимки, ушбу жамоа яқин Тошкентга ташриф буюриб “Нефтчи” ва “Олмалиқ” клубларига қарши синов-назорат учрашувида майдонга тушади. Шунда Холматовни ҳам “Истиқлол” таркибида кўрсак ажаб эмас.