Акбар Усмонов: "Гватемаладан аламимиз бор. Сўнгги дақиқаларда эътиборни йўқотдик"
23 июл 2024 00:11
Янгиликлар

Акбар Усмонов: "Гватемаладан аламимиз бор. Сўнгги дақиқаларда эътиборни йўқотдик"

Ўзбекистон футзал терма жамоаси аъзоси Акбар Усмонов Гватемалага қарши кечган баҳсдан сўнг (5:4) ЎЙин ҳақидаги фикрлари билан бўлишди.

- Ўйин ҳақида

- Жуда драматик баҳс гувоҳи бўлдик. Ўйиннинг 35 дақиқаси бизнинг назоратимиз остида ўтди, аммо ўйиннинг сўнгги дақиқаларида эътиборни йўқотдик ва шу сабаб рақибимиз ҳисобни қисқартирди. Рақиб дарвозабонсиз ўйнашни бошлаганида биз хатоларга йўл қўйдик. Ушбу вазиятни тўғирлашимиз керак.

- Урган голингиз ҳақида гапириб ўтсангиз?

- Бу тактик ўйланмамиз эди. Бош мураббийимиз билан жуда кўп тактик услубларни ўрганиб чиқмоқдамиз. Мен урган гол ҳам тактик режамиз эди.

- Жаҳон чемпионатига тайёргарлик ҳақида гапириб ўтсангиз?

- Ҳали олдинда бажаришимиз керак бўлган ишлар жуда кўп. Мундиал тўрт йилликнинг энг йирик мусобақаси ҳисобланади. Шу сабабли кўпроқ меҳнат қилишимиз керак.

- Гватемала терма жамоасига қарши қандайдир принципиаллик бордек. Айнан футзалчилар Гватемалага қарши бошқача ёндашув билан ўйнашди. Литвада ўтказилган ЖЧда ҳам ушбу рақибга қарши жуда қизиқарли ўйин ўтказган эдик. Ушбу принципиалликга сабаб нима?

- Бунга асосий сабаб ЖЧдаги тўқнашувимиз бўлган. Сўнги дақиқада гол ўтказиб юборган эдик. Гватемаладан аламимиз бор. Шу сабабли уларга қарши икки баробар яхшироқ ўйнашга ҳаракат қиламиз.