UZ

Сўнгги янгиликлар

02:00Лига 1. "Монако" 2:0 ҳисобидаги устунликдан фойдалана олмади ҳамда яна омадсизликка учради  1 01:40А Серия. 2та қизил, 7та сариқ ва "Милан" сафарда "Верона"ни таслим этди  3 01:10ОФК Президенти Тошкентга етиб келди  13 00:50"Барселона"нинг навбатдаги футболчиси ўғирлик қурбонига айланди  2 00:34"Навбаҳор"нинг Намангандаги нохуш серияси давом этди, Арвеладзедан эса қизиқ статистика  12 00:25Аргентина Суперлигаси. Марадона янги жамоаси бошқарувида илк учрашувни ўтказди  0 23:40РПЛ. "Краснодар" – "Крилья Советов" баҳси голларга бой ўтди, Соболев эса Шомуродовга етиб олди  5 23:05А Серия. "Рома" мавсумда илк бора ғалабага эришди, Мхитарян эса дебют голини урди  1 22:55Бундеслига. "Шальке" меҳмондаги йирик ғалаба билан 4-турга якун ясаб берди  0 22:30Ўртоқлик ўйини. Ўзбекистон U-19 термаси иорданиялик тенгқурларига қарши дастлабки учрашувни ўтказди  6 22:21Самвел Бабаян: "Қимматли очколарни бой бердик"  32 22:20АПЛ. "Арсенал" тайёр ғалабани қўлдан чиқарди  21 22:09Андрей Шипилов: "Мураббийлар штаби фаолиятини меваси шундай ўйинда кўрингани жуда ёқимли"  1 21:53Андрей Канчельскис: "Навбаҳор" қолган 7та ўйинда 21 очко олмоқчи"  72 21:45Перес: "Реал" ўйинчилари ҳурмат-эҳтиромга сазовор"  3

Акбар Усмонов: "Эрон клубларини қачон мағлуб этамиз? Бунга оз қолди" Янгиликлар

Акбар Усмонов: "Эрон клубларини қачон мағлуб этамиз? Бунга оз қолди"

Ўтган ҳафтада футзал бўйича клублар ўртасидаги Осиё чемпионати якунига етди.

Таиланд пойтахти Бангкок шаҳрида ўтган мусобақада юртимиз шарафини Олмалиқнинг АГМК клуби ҳимоя қилди. Александр Петров бошчилигидаги жамоа гуруҳда иккита ғалаба ва битта мағлубият билан чорак финалга чиқди. Чорак финалда мусобақа мезбони "Порт ФК" клуби мағлуб этилди ҳамда АГМК ўз тарихида илк бор ярим финалга йўлланма олди. Афсуски ярим финалда Эрон чемпиони "Мес Сунгун"га имконият бой берилди. Учинчи ўрин учун баҳсда олмалиқликлар Вьетнамнинг "Тай Сон Нам" клубига ютқазиб қўйишди ва мусобақада тўртинчи ўринни банд этишди. Биз Осиё чемпионатида иштирок этиб, 6та гол уришга муваффақ бўлган Акбар Усмонов билан суҳбатлашдик.

- Осиё чемпионатидаги ўйинлар ҳақида нима дея оласиз?

- Мусобақадаги ҳар бир ўйин финалга тенг бўлганини таъкидлаш лозим. Бизнинг гуруҳ "ўлим гуруҳи" эди. Шу боис ҳам ҳеч бир учрашув биз учун осон ўтгани йўқ. Лекин мана шу гуруҳдан чиқа олганимиздан хурсандмиз.

- Осиё чемпионатидаги энг қийин баҳс қайси бўлди ва нима учун?

- Юқорида айтганимдек барча ўйин қийин бўлди. Лекин энг қийини менимча учинчи ўрин учун баҳс бўлди. Чунки учрашув давомида ҳисобда олдинда бориб якунда ютқазиб қўйдик. Жуда ҳам алам қилди. Бироқ барча айб ўзимизда, яхши бошладик ва консентрацияни йўқотиб қўйдик.

- Таиланддаги мусобақанинг ярим финалида Эроннинг "Мес Сунгун" клубига имконият бой берилди. Статистикага муроажаат қилсак Эрон терма жамоаси ва Эрон клубларини умуман мағлуб этмаган эканмиз. Уларни қачон мағлуб эта оламиз?

- Ишонинг жуда оз қолди. Бу бизнинг қўлимиздан келишига амин бўлдим. Чунки бугунги кунда ажойиб авлодга эгамиз. Профессионал тайёргарлик билан ҳар қандай рақибни енгса бўлади ва бу асло баландпарвоз гаплар эмас.

- АГМК Осиё чемпионатида якунда 4-ўринни эгаллади. Шахсан сиз бу натижадан қониқдингизми?

- Нолишга ҳаққимиз йўқ. Лекин медаль билан қайтишга имконимиз бор эди. Афсуски бундан фойдалана олмадик. Мағлуб бўлган ўйинларда яққол ўзимизнинг хатолар туфайли ютқаздик. Бироқ бугунги кундаги футзалимизнинг ҳолатига нисбатан олсак бу ажойиб натижа бўлди.

- Голларингизни ўзгача услубда нишонладингиз. Бу нимани англатарди?

- Кўп мухлислар бу ҳақда илиқ фикрлар айтишди. Кўплаб таниқли футболчиларга ўхшатишди. Албатта бундан хурсанд бўлдим. Мен ҳеч кимга тақлид қилганим йўқ, шунчаки она ватанимга бўлган меҳримни ифодаламоқчи эдим.

- Кўпчилик бу таркиб билан АГМК гуруҳдан чиқишга ишонмаганди. Ниманинг эвазига ярим финалга қадар етиб бординглар?

- Менимча жуда ҳам кучли хоҳиш, футзал ўйнаш учун ажойиб муҳит ва халқимиз ишончи. Чунки биз у ердалигимизда кўплаб мухлислар қўллаб-қувватлаб туришди. Фурсатдан фойдаланиб айнан шу мухлисларга катта раҳмат айтмоқчиман.

- Бир неча йиллардан буён АГМКни бошқариб келаётган Александр Петров қандай мураббий?

- Топ даражадаги мураббий бўлмаслиги мумкин, лекин жуда ҳам яхши инсон. Энг муҳими футзалчиларни яхши тушуна олади ва ўз клуби учун борини беради.



- Сизнингча бу мусобақада АГМК сафида энг яхши ўйинчи ким бўлди?

- Менимча, барча 14 футзалчи. Сабаби барчамиз бир мақсад йўлида тер тўкдик ва бу самара берди.

- Ўзбекистон терма жамоаси собиқ устози Хосе Мария Мендез бугунги кунда Таиландда ишламоқда. Мусобақа вақтида у билан кўришиш учун имкон бўлдими?

- Мендез жуда ҳам ажойиб инсон. У бизни кўргани келди. Ҳаммамиз билан кўришди, ҳазиллашди ва кайфиятимизни кўтарди. Мусобақадаги ўйинларимизни мақтади, камчиликларни айтиб ўтди. У мен учун биринчи рақамли мураббий.

- Осиё чемпионатидан кейин дарҳол Ўзбекистон чемпионатига киришиб кетиш қийин бўлмайдими?

- Бундай юқори темпда ўйнаб келиб қийналмасак керак деб ўйлайман. Бунга тез кунда гувоҳи бўламиз.

- Терма жамоамиз Тожикистон, Непал ва Афғонистон билан саралашда ўйнайди. Бу рақиблар ҳозирги кунда қанчалик кучли?

- Очиғини айтиш керак, рақибларга паст баҳо бериш катта хато бўлади. Биз саралаш баҳсларига жиддий тайёргарлик кўрамиз ва ҳар бир ўйинга жиддий ёндошамиз.

- Ўзбекистон терма жамоаси 2016 йил Колумбияда ўтган Жаҳон чемпионатида дебют қилганди. Навбатдаги Жаҳон чемпионатида ҳам иштирок этиши учун нималар қилиш керак деб ўйлайсиз?

- Авваламбор изга кўпла ўқув-машғулот йиғинлари керак. Жиддий жамоалар билан ўйинлар ўтказишимиз лозим. Шунда худо хоҳласа яна Жаҳон чемпионатига чиқамиз.

Нарзулла Сайдуллаев суҳбатлашди

Рейтинг: +11   

Фикрлар

+5   
23 авг 18:15:47
alibek.karim
Акбар Усмонов: "Эрон клубларини қачон мағлуб этамиз? Бу қўрқинчли туш бўларди"
+4   
23 авг 18:43:35
Liverpool&Barsa&Neftchi
Федерацияга савол качон вилоят жамолари чемпион булади?Ёки 3-4 таси алмашиб чемпион булаверадими?
+3   
23 авг 22:37:17
Muzaffar 1987
Иложи йук нарсани узи йук факат шашт,дух ута кучли булиши керак.Зурдан зур чикади мана японлар умуман гол ургизмади ,тактик зур уйнади ютди Эрон куйикиб колаверди.Яна мактоврамиз кейинги йили ютади,кейинги йили яна сал колди,яна кейинг йили......
+2   
23 авг 19:16:43
Muzaffar 1987
Туяни думи ерга текканда
+2   
23 авг 18:42:07
BABA AUT
СУПЕРЛИГАНГДАГИ ИНТРИГАНГГА КАРАГАНДА ХАЛИ АНЧА КОВУН ПИШИГИ БОР!
+2   
23 авг 18:40:17
Liverpool&Barsa&Neftchi
Худди тошкент жамоларини качон чемпионлик тахтидан тушурамиз диган гапга ухшабди....
+2   
23 авг 17:32:17
None
Барибир ДЗЮБА боломисан
+1   
26 авг 11:40:41
Ali ADNAN (c)
ETIBOR BERINGLA: : : - O'zbekiston terma jamoasi sobiq ustozi Xose Mariya Mendez bugungi kunda Tailandda ishlamoqda. Musobaqa vaqtida u bilan ko'rishish uchun imkon bo'ldimi?
- Mendez juda ham ajoyib inson. U bizni ko'rgani keldi. Hammamiz bilan ko'rishdi, hazillashdi va kayfiyatimizni ko'tardi. Musobaqadagi o'yinlarimizni maqtadi, kamchiliklarni aytib o'tdi. U men uchun birinchi raqamli murabbiy.
+1   
23 авг 17:38:37
qwerty123
Shu bolani hujumdagi o'yinlari chakki emas hamma narsa yetarli zarbasi yaxwi texnika tezlik bor ozro oz ustida iwlasa boldi
   
29 авг 00:08:43
Фк Спартак
Liverpool&Barsa&Neftchi фойдаланувчининг фикрига жавоб бериш
Федерацияга савол качон вилоят жамолари чемпион булади?Ёки 3-4 таси алмашиб чемпион булаверадими?
Бу саволни федерацияга эмас, клубларнинг ўзига бериш керак, тузукроқ ўйнаш керак
   
23 авг 18:00:27
Special_Man
Usmonov va Ropiyev jangchiga oxshashadi.
   
23 авг 17:39:46
aral2019
Азгина ухласанг бразилияниям ютасанг.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг