UZ

Сўнгги янгиликлар

15:10Ғузордаги стадионга катта футбол қайтади  0 14:46Ўзбекистон Кубоги 2-тур учрашувларида ишловчи ҳакамлар маълум  0 14:26Арне Слот дебют мавсумидаёқ "Ливерпуль" билан АПЛни ютди. Яна кимлар бундай натижага эришган?  2 14:02"Пахтакор" бир киши кам қолган ва "Шўртан"ни кичик ҳисобда ютган ўйиндан ГАЛЕРЕЯ  0 13:45"Навбаҳор" "Бухоро"ни йирик ҳисобда енгган учрашувдан ГАЛЕРЕЯ  1 13:30U-20 Осиё Кубоги саралаш босқичига қуръа ташланди: Ўзбекистон Иордания ва Баҳрайн билан бир гуруҳда  0 13:01Игорь Сергеев: "20 та гол уриш керак бўлса-ю, вазифани бажариб, диванга ёнбошлаб олиш мумкин, бироқ..."  4 12:49Сергей Лушчан: "Жиянов ва Одиловда имтиҳон бор, Аҳмедовда жароҳат"  3 12:40"Насаф" "Қизилқум"га ҳеч қандай имкон қолдирмаган баҳсдан ГАЛЕРЕЯ  2 12:24Темур Мамасиддиқов: "'Пахтакор" юқори зонага кўтарилиб ўйнашини яхши билардик"  0 12:19Суперлигада биринчи истеъфо?!  24 12:07Умар Адҳамзода: "Вазифа – чемпионлик. Мавсум аввалида ҳам шундай эди, ҳозир ҳам шундай. Бу йўлда учта рақобатчимиз бор"  1 11:55"Қўқон-1912" "Хоразм" устидан минимал ғалабага эришган ўйиндан ГАЛЕРЕЯ  0 11:40Шаҳзод Азмиддинов: "Ўн киши ҳимояда ётиб олгандан кейин, бундай мудофаани ёриб ўтиш қийин"  2 11:25Тарихий ютуқ: Арне Слот Англия чемпионатида ғолиб чиққан биринчи нидерландиялик мураббий бўлди  5

АГМК жамоаси тантанали тарзда медаллар билан тақдирланди ГАЛЕРЕЯ Янгиликлар

АГМК жамоаси тантанали тарзда медаллар билан тақдирланди ГАЛЕРЕЯ

Теглар :  АГМК
Бугун Олмалиқ шаҳридаги “Металлург” маданият саройида АГМК асосий жамоаси ва ёшлар жамоаси ўтган мавсум якунлари бўйича қўлга киритган совринлари билан тантанали равишда тақдирланди.

Хабарингиз бор, АГМК жамоаси кетма-кет иккинчи мавсум Ўзбекистон чемпионатида бронза медалларини қўлга киритган бўлса, Ёшлар Биринчилигида U21 жамоамиз тарихда илк бор чемпионлик шоҳсупасига чиққанди.

Шу муносабат билан бугун жамоамиз аъзоларига, хусусан Аъзам Шерғозиев бошчилигидаги ёшлар жамоамиз вакилларига олтин, Миржалол Қосимов бошқарувидаги жамоамизга эса бронза медаллари тақдим этилди.

Ёшлар Биринчилигида чемпион бўлган АГМК ёшлар жамоаси футболчилари ва мураббийлар штабига қимматбаҳо телевизорлар тақдим этилди.

Тақдирлаш маросимида ЎФА вице-президенти Одил Аҳмедов ва ПФЛ бош директори Диёр Имомхўжаев ҳамда ОКМК бошқарув кенгаши раиси ва клубимиз президенти Абдулла Холмурадович Хурсанов қатнашди.

Тақдирлаш маросимида сузиш бўйича Паралимпия совриндори бўлган олмалиқлик Ислом Асланов ОКМК раҳбарияти томонидан қимматбаҳо совға билан тақдирланди.

Шунингдек, маросимда 50 йилдан ортиқ вақт мобайнида футболга ашаддий мухлислик қилаётган, хусусан АГМК жамоасининг фидоий мухлиси ҳисобланган Сафар Баймаков клубимиз томонидан тақдирланди.

Футболни ривожлантиришга қўшаётган беминнат хизмати учун ЎФА вице президенти Одил Аҳмедов ОКМК бошқарув раиси, АГМК футбол клуби президенти Абдулла Холмурадович Хурсановга ЎФА президенти Абдусалом Азизов номидан ташаккурнома ва махсус совринни топширди.

Шунингдек, Миржалол Қосимов АГМК жамоаси номидан ОКМК бошқарув кенгаши раиси Абдулла Холмурадович Хурсановга фидоий раҳбар совринини топширди.

АГМК жамоаси бош мураббийи Миржалол Қосимов, АГМК футзал жамоаси мураббийи Александр Петров, АГМК ёшлар жамоаси мураббийи Аъзам Шерғозиев ва АГМК аёллар жамоаси мураббийи Илҳом Ханжариевга самарали меҳнатлари учун эсдалик совғалари тақдим этилди.

ОКМК томонидан бир неча йиллардан буён ҳомийлик қилиб келинаётган «Матонат» ногирон-ампутантлар футбол жамоаси масъулларига ҳам қимматбаҳо совғалар топширилди.

Тадбирнинг сўнгги қисмида залга йиғилган меҳмонларга Металлург маданият саройи бадиий дасталари томонидан тайёрланган концерт дастури тақдим этилди.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика