AFE Испания чемпионати тўхтатилишини тасдиқлади

Бу ҳақда AFE президенти Луис Рубиалес маълум қилди.

"Футболчилар турнир тўхтатилишига рози. Бу кучимизни намойиш этиш эмас, биз ўз ҳуқуқимизни ҳимоя қиляпмиз" - дейди Рубиалес.

Футболчилар телетрансляция ҳуқуқидан тушган маблағларнинг тақсимланишидан норози. Испания ҳукумати қабул қилган янги қонунга кўра, тушган даромаднинг 90%ни юқори лига ва 10%ни иккинчи лига вакилларига бўлиб берилади.

Испания футбол федерациясининг (RFEF) таъкидлашича, ҳукумат томонидан маслаҳат ишлари ўтказилмаган. Касаба уюшмаси қуйи лигаларнинг қизиқиши ҳисобга олинишини талаб қилмоқда. Агар томонлар келишувга эриша олмаса 16 майдан Испаниядаги барча чемпионатлар тўхтатилади. Демак, Примеронинг сўнгги икки тури ҳамда "Атлетик" ва "Барселона" ўртасидаги Испания Кубоги финали ҳам ўтказилмаслиги мумкин.