UZ

Сўнгги янгиликлар

13:15"Реал" футболчисига тарихдаги энг катта маошни таклиф қилишди  0 12:53Рогачнинг қизил карточкаси, Мозговойдан супергол, "Насаф" чемпион бўлган ўйиндан бир талай расм   1 12:29"Сити"га қарши баҳс олдидан Аморимни қарсаклар билан кутиб олишди  1 12:13Алонсо: "Байер" мавсумдаги энг яхши ўйинини ўтказди, аммо..."  0 12:06Зафар Холмуродов ва Муроджон Исмоилов бошчилигидаги жамоалар 1-ўринни эгаллашди  0 11:00ПСЖ "Реал"дан ўч олмоқчи   9 10:29"Бавария"нинг Диогу Кошта трансфери бўйича позицияси маълум  0 10:00Жозе Моуриньо терма жамоада ишламоқчи   4 09:35"Байер"дагилар Алонсо "Ман Сити"га кетишига ишонмаяпти  1 09:10Канчельскис МЮга Аморим келгани ҳақида: "Роналду ҳам "Спортинг"дан келган ва Манчестерда дунёга танилганди. Умид қиламиз, Рубен клубни инқироздан олиб чиқа олади"  2 08:45Винисиус, Рафинья, Родриго, Эдерсон, Милитао – Бразилиянинг Венесуэла ва Уругвайга қарши ўйинлар учун таркиби маълум  1 08:21Кобель "Боруссия"даги вазиятдан норози. У совринлар учун курашадиган жамоада тўп тепмоқчи  0 07:58"Реал" Виртц вакиллари билан алоқага чиққан. "Байер" билан Мадрид ҳозирча бу борада гаплашмади  0 07:30Суперлига. Бугун 23-турнинг яна иккита баҳси бўлиб ўтади  4 07:05"Ал Ҳилол" мухлислари Роналдуга қарата "Месси, Месси" деб ҳайқиришди. Криштиану бунга қандай муносабат билдирди?  12

Абдурашид Исмоилов: “Бугун бир очко ишладик” Янгиликлар

Абдурашид Исмоилов: “Бугун бир очко ишладик”

Кеча биринчи лиганинг 5-туридан ўрин олган “УзДонгЖу” – “Обод” (1:1) учрашуви якунига етгач ҳар икки клуб бош мураббийининг фикрлари билан қизиқдик.

“УзДонгЖу” бош мураббийига айланган Абдурашид Исмоилов саволларимизга жавоб берди.

- Ўзингизга яхши маълумки, бу бош мураббий сифатида илк расмий учрашувим эди. Лекин “Обод” билан баҳсга одатдагидек тайёргарлик кўрдик. Бугунги рақибимиз чемпионат пешқадами Тошкентнинг “Обод” жамоаси бизга қарши баҳсга ҳам пухта хозирлик кўргани билиниб турди. Биринчи бўлимда ҳимоячиларимизнинг хатоси эвазига дарвозамиздан тезкор гол ўтказиб юбордик. Жавоб тўпини эса биз ҳам рақибнинг мудофаа чизиғида йўл қўйган хатоси натижасида киритдик. Умуман олганда йигитлар ғалаба учун харакат қилди. Ижобий натижа учун катта иштиёқ билан тўп тепишди. “Обод”да 2-3 йилдан буён бирга ўйнаб келаётган таркиб бор. Қолаверса таркибида маҳоратли футболчилар тўп сурмоқда. Келаси турда “Хоразм” меҳмони бўламиз. Насиб қилса бўлажак учрашувга ҳам пухта тайёргарлик кўриб, уч очко билан қайтишга харакат қиламиз – дея гап бошлади Абдурашид Исмоилов.

- Бугунги рақибимиз чемпионат карвонбошчиси эканлигини инобатга олиб айтадиган бўлсак, дурангдан қониқдим. Бир очко ишладик.

- Тажрибали ҳужумчи Исроил Турсуновнинг захирадан майдонга туширганимнинг сабаби у бироз бетоб бўлиб қолганди. Ўйинолди машғулотда унинг ожиз томонларини кўриб, жарохатидан фориғ бўлиб сафга қайтган Акмал Жўрабоевни дастлабки дақиқалардан бошлаб майдонга туширишга қарор қилдим. Умуман олганда ушбу ҳар икки ҳужумчимизнинг ҳам маҳоратига шубҳа йўқ.

- Бунгача жамоани бошқариб келган Нозим Муллаохунов билан футбол фалсафамиз деярли бир хил. Унга ёрдам бериб келаётганимда ҳам ҳар бир ишни бамаслаҳат қилардик. Аввалдан Муллаохунов билан хамкорликда ишлаб келамиз. Нозимжон вилоятимизнинг бош жамоасига ўтган бўлсада, бизга керак пайтда ёрдамини аямаяпти. Ўйиндан олдин ҳам қўллаб-қувватлаб тургани янада тўлқинлантириб юборди. Ҳозир жамоада қандайдир ўзгаришлар қилиш мавриди эмас. Таркибдаги футболчиларнинг барчасини имкониятини яхши биламан. Қишда ўзимиз саралаб олган йигитлардир. Қолаверса давралар оралиғида сафимизга келиб қўшилганларни ҳам ўзимиз таклиф этганмиз. Демак бу борада муаммо бўлиши мумкин эмас.

- Мураббийлар штабида ҳам ўзгаришга қўл урмадик. Ҳамидулло Зокиров яқиндан ёрдам бериб келмоқда. Бундан ташқари иккинчи лигадаги жамоамиз мураббийи Фозил Бобораҳимов ҳам кўмаклашмоқда.

- Олий лигага чиқиш учун кураш? Мана бугун ўзинглар кўрдинглар ”Обод” яхши жамоа. “Оқ-тепа” ҳам асосий давогарлардан биридир. Бундан ташқари “Хоразм” ҳам сўнгги турларда ғалаба қозониб, аввалги мавқеиларини тиклаб бормоқда. Қолаверса бизнинг жамоа - “УзДонгЖу” ҳам қараб турмайди ва элита йўлланмаси учун жиддий курашади. Таркибдаги футболчилар билан келишиб олган холда, ҳар бир баҳсга ғалаба учун чиқмоқдамиз.

Исломбек Рустамбеков суҳбатлашди.


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика