“Axmat” va “Anji” klublari o'rtasidagi Kavkaz derbisida dramatik yakun kuzatildi. O'yindagi har ikki gol hakam tomonidan asosiy vaqtga qo'shib berilgan daqiqalarda, aniqrog'i 93 va 96-daqiqalarda darvoza to'ridan joy oldi.
Avvaliga mezbonlar 93-daqiqada Anxelning bosh bilan bergan zarbasi evaziga hisobni ochishdi. Oradan 3 daqiqa o'tib, endi Danchenkoning standart vaziyatdan to'p uzatishidan so'ng Yakovlev bosh bilan darvozani ishg'ol qildi - 1:1.
Bugungi durangdan so'ng “Axmat” klubi 18 ochko bilan turnir jadvalida 10-o'rinni egallab turibdi. “Anji” esa 13 ochko bilan 15-pog'onadan joy olgan.
