Чемпионлар Лигасининг асосий босқичига чиқишнинг ўзиёқ жамоа учун катта ютуқ бўлди ва УЕФА томонидан саховатли тарзда рағбатлантирилди. Мусобақанинг умумий босқичида иштирок этгани учун "Қайрат" 18,62 млн евро мукофот пули олди, бу эса тахминан 270 млрд сўмга тенг.
Олмаоталиклар учун қўшимча даромадни натижа ҳам келтирди. Умумий босқичда қайд этилган ягона дуранг клуб бюджетига яна 700 минг евро (10 млрд 170 млн сўм) қўшди.
Айтиш жоизки, бу сумма якуний эмас. Еврокубок мавсуми якунлангач, клуб телевизион трансляциялар ва маркетинг ҳуқуқларидан тушадиган даромадларни тақсимлаш орқали қўшимча тўловларга эга бўлади. Бу эса Европанинг энг нуфузли клуб турнирида иштирок этишдан олинадиган молиявий самарани янада оширади.
"Қайрат" учун бу мавсум шундай даражадаги мусобақада илк тажриба бўлди. Чемпионлар Лигаси умумий босқичининг сўнгги ўйинида "Қайрат" сафарда Лондоннинг "Арсенал" жамоасига қарши майдонга тушиб, 2:3 ҳисобида мағлуб бўлди ва турнир жадвалида 36-ўрин билан дебют еврокубок мавсумини якунлади.
