"Турон" сербиялик футболчини ўз сафига қўшиб олди

Янги мавсум олдидан таркибни янада кучайтириш мақсадида Бахтиёр Ашурматов бош мураббийлигидаги жамоа ўз сафига бир қатор маҳоратли футболчиларни жалб этишда давом этмоқда. Хусусан, Сербия давлати фуқароси, ҳужумчи Милан Божович яйпанликлар билан бир йиллик шартномага имзо чекди.

Милан Божович фаолияти давомида "Младость", "Раднички", "Қайсар" ва "Жетису" каби номдор клублар сафида, шунингдек, Сербия давлатининг турли ёшдаги терма жамоалари сафида ҳам майдонга тушган.