Ўзбекистонда туғилган футболчи "Штутгарт"га ўтишга яқин
05 июл 2020 19:09
Янгиликлар

Ўзбекистонда туғилган футболчи "Штутгарт"га ўтишга яқин

championat.asia сайти маълумотига кўра, "Ганновер"нинг 23 ёшли ҳимоячиси Антон Вальдемар Бундеслигага қайтган "Штутгарт"га ўтишга яқин.

Ўзбекистонда туғилган футболчининг трансфери 5-6 миллион еврога баҳоланмоқда, кейинги мавсум сўнггида бонуслар ҳам бўлиши мумкин. Бундан ташқари "Ганновер" унинг кейинги трансферидан маълум миқдорда пул ҳам олишни истамоқда.

Эслатиб ўтамиз, ўтган йил ёзда, Бундеслиганинг кўплаб клублари ёш футболчига қизиқиш билдирганди, аммо ўшанда "Ганновер" ўз тарбияланувчисини 12 миллион евродан камига сотишни истамаганди.

"Ганновер" раҳбарияти сайтимиз мухбирига "Штуттгарт" билан музокара кетаётганини маълум қилди. "Ҳа, Штутгартдан таклиф келиб тушди ва биз музокара олиб бораяпмиз" - дейди клуб директори Герхардт Цубер.

Мирон Гойхман
championat.asia сайти учун махсус