2014 йил Ўзбекистон суперкубоги бўлиб ўтади

"CA" мухлислари номидан Мираброр Усмоновга суперкубокни ташкил этиш борасида таклиф киритдик. ЎФФ президенти эса суперкубок учун ўйин бўлиб ўтиши ва дастурга киритилгани ҳақида маълумот берди.

Бу ўйинда Ўзбекистон кубоги соҳиби ва чемпиони иштирок этиши керак. Бироқ иккала совринни "Бунёдкор" қўлга киритгани учун Ўзбекистон вице-чемпиони "Локомотив" клуби "қалдирғочлар"га қарши ўйнайди.

Эслатиб ўтамиз, шу кунгача фақат бир марта Ўзбекистон суперкубоги учун ўйин бўлиб ўтган. 1999 йил "Пахтакор" ва "Навбаҳор" ўртасидаги ўйинда 4:2 ҳисобида зафар қучиб наманганликлар совринни қўлга киритишганди.