2006 йилги Жаҳон чемпионатида урилган барча голларни томоша қилинг
21 мар 2020 09:16
Янгиликлар

2006 йилги Жаҳон чемпионатида урилган барча голларни томоша қилинг

Дунёда деярли барча футбол мусобақалари тўхтаган пайтда архивга мурожаат қиламиз.

2006 йил Германияда бўлиб ўтган мундиалда 32та жамоа иштирок этган. Ўтказилган 64та ўйинда 147та гол урилган эди.

Биринчи ярим финалда мезбон Германия Италияга қарши ўйнайди. Асосий вақтда ҳисоб очилмагач қўшимча бўлимлар белгиланади. 119-дақиқада Фабио Гроссо, 120+1-дақиқада Алессандро Дель Пьеро томонидан урилган голлар немисларни таслим этади - 2:0.

Иккинчи ярим финалда Португалия ва Франция терма жамоалари ўзаро ҳисоб-китоб қилишган. Унда дастлабки бўлимда Зинедин Зидан томонидан пенальтидан урилган гол ягона бўлиб қолганди - 1:0.

Учинчи ўрин учун баҳсда Германия Португалияга ҳеч қандай имконият қолдирмайди - 3:1. Бастиан Швайнштайгер дублга эришганди.

Финал 7-дақиқада Зидан томонидан пенальтидан урилган гол билан бошланади. Орадан кўп ўтмай бурчак тўпидан кейин Марко Матерацци боши билан ҳисобни тенглаштиради - 1:1. Асосий вақт мана шу ҳисоб билан тугайди. Қўшимча вақтда жамоалар гол ура олишмайди. Бироқ 110-дақиқада барчамиз ҳамон жуда яхши эслайдиган воқеа содир бўлади. Зидан Матераццига "калла қўяди". Пенальтилар сериясида Италия 5:3 ҳисобида ғалаба қозонади ва тўртинчи марта Жаҳон чемпиони бўлади.