Англия собиқ бош мураббийи Осиё Кубогида Филиппин терма жамоасини бошқаради
27 окт 2018 20:01
Янгиликлар

Англия собиқ бош мураббийи Осиё Кубогида Филиппин терма жамоасини бошқаради

Швециялик машҳур мураббий Свен Йоран Эриксен Осиёда ишлайди.

ФИФА расмий сайти ушбу мутахассис Филиппин терма жамоаси бош мураббийи бўлганини эълон қилди.

Маълумот учун, Эриксен мураббий фаолияти давомида "Бенфика", "Рома", "Фиорентина", "Лацио", "Манчестер Сити", "Лестер", "Шанхай СИПГ", Англия, Мексика, Кот-Дивуар каби жамоаларни бошқарган.

Унинг сўнгги иш жойи Хитойнинг "Шенжен" клуби бўлганди.

Эслатиб ўтамиз, Филиппин БААда ўтадиган Осиё Кубоги гуруҳ босқичида Жанубий Корея, Хитой ва Қирғизистон билан куч синашади.