Асрор Алиқулов жамоадан кетгани йўқ — "Машъал"
22 июл 11:54
Янгиликлар

Асрор Алиқулов жамоадан кетгани йўқ — "Машъал"

Иккинчи даврага тайёргарлик олиб бораётган Муборакнинг "Машъал" жамоасида мураббийлар штабида вақтинча ўзгариш юз берди.

"Оммавий ахборот воситаларида тарқалган хабарларга кўра, бош мураббий Асрор Алиқулов жамоа билан бўлмаётгани айтиляпти.

Мазкур ҳолат бўйича олинган расмий маълумотларга кўра, Асрор Алиқулов вақтинча таътилга чиққан. Таътилнинг сабаби оилавий шароитлар билан боғлиқ. Унинг "Машъал" билан тузган шартномаси 2027 йилгача амал қилади ва клуб мураббийга тўлиқ ишонч билдиради.

Айни пайтда жамоани Отабек Нарзуллаев иккинчи даврага тайёрламоқда", – дейилади муборакликлар хабарида.

Аввалроқ Суперлигада навбатдаги истеъфо рўй бергани ҳақида хабар берган эдик.

Ҳавола :

Манба : "Машъал" матбуот хизмати

Янгиликларни Телеграмда ўқинг!

Рейтинг: +2