Эшитдик-да! Ўзбекистон кейинги йил футзал бўйича Жаҳон чемпионатини қабул қилмоқчи
17 апр 2023 15:10
Янгиликлар

Эшитдик-да! Ўзбекистон кейинги йил футзал бўйича Жаҳон чемпионатини қабул қилмоқчи

Теглар : Футзал бўйича Жаҳон чемпионати Футзал

Сўнгги йилларда Ўзбекистонда бир қатор халқаро мусобақалар ўтказиб келинмоқда.

2022 йил U-23 Осиё кубоги, 2023 йилда U-20 Осиё кубоги шулар жумласидан. Championat.asia сайти маълумотига кўра, Ўзбекистон 2024 йилда бўлиб ўтиши режалаштирилган футзал бўйича Жаҳон чемпионатини қабул қилишга ариза бермоқчи. Агар мундиаль Ўзбекистонга ишониб топширилса, ўйинларнинг асосий қисми Тошкентдаги "Humo Arena" спорт мажмуасида бўлиб ўтиши кутилмоқда.

Агар Wikipedia маълумотларига ишонсак, ушбу мусобақани қабул қилиш учун Эрон, Ҳиндистон, Марокаш, Гватемала, АҚШ, Мексика ва Никарагуа каби мамлакатлар ҳам даъвогар ҳисобланишади.

Маълумот учун, 1989 йилдан буён ўтказиб келинаётган футзал бўйича Жаҳон чемпионатига қуйидаги давлатлар мезбонлик қилган: Нидерландия, Гонконг, Испания, Гватемала, Тайвань, Бразилия, Таиланд, Колумбия ва Литва.

Эслатиб ўтамиз, футзал бўйича Ўзбекистон терма жамоаси Колумбия-2016 ва Литва-2021 Жаҳон чемпионатларида иштирок этган.