Ҳимоя чизиғида "катта тозалаш": "Интер" фахрийлар билан хайрлашишга тайёр
10 окт 13:16
Янгиликлар

Ҳимоя чизиғида "катта тозалаш": "Интер" фахрийлар билан хайрлашишга тайёр

Миланнинг "Интер" жамоаси ҳимоя чизиғини тубдан ўзгартиришга тайёрланмоқда.

Журналист Паскуале Гуарронинг сўзларига кўра, клуб 2026 йилнинг ёзида 3 нафар ёши катта ҳимоячи билан хайрлашмоқчи: Франческо Ачерби (37 ёш), Маттео Дармиан (35) ва Стефан де Врей (33). Уччаласининг ҳам шартномалари якунига яқинлашиб қолди ва клуб уларни узайтирмоқчи эмас.

"Нерадзурри" раҳбарияти асосий эътиборни таркибни ёшартиришга қаратмоқда. Кристиан Киву мавсум оралиғида Саудия Арабистонининг "Ал Ҳилол" клубига кетган Симоне Инзаги ўрнига жамоани қабул қилиб олди.

Айни вақтда А Сериядаги 6 ўйиндан сўнг "Интер" 12 очко билан 4-ўринда бормоқда. Ҳаммаси шуни кўрсатадики, Киву жамоани келажакни кўзлаган ҳолда қуришни режалаштирмоқда, ҳимоядаги янги қон бутун лойиҳани янгилашда биринчи қадам бўлади.

Ҳавола :

Манба : sempreinter.com

Янгиликларни Телеграмда ўқинг!

Рейтинг: +2