Зоир Тўрақулов: "Шўртан"нинг эгаллаб турган ўрни ҳавас қиладиган даражада эмас"

- Ғалаба қозонишимиз шарт бўлган учрашувда дурангга эришдик, холос. Ваҳоланки, ютуқ учун учун жуда яқин эдик. Бутун ўйин давомида бир қатор хавфли вазиятларни содир этдик, улардан унумли фойдаланишга келганда эса омадимиз келмади. Бир томондан олиб қараганда, футбол шуниси билан ҳам қизиқ-да. Муҳими йигитларимиз намойиш қилган ўйиндан кўнглим тўлди. Иккинчи даврада таркибни кучайтириш учун сафимизга бир қатор янги футболчиларни таклиф этдик. Улар аста-секин жамоавий ўйинга мослашиб боришмоқда. Футболчиларимизга эътирозим йўқ. Янгилардан айниқса, Азиз Алижонов, Азиз Ғуломхўжаевлар яхши ҳаракат қилишди. 

- Жамоа айни пайтда турнир жадвалининг қуйи қисмида бормоқда?

- Саволингиз тушунарли. Албатта, эгаллаб турган ўрнимиз ҳавас қиладиган даражада эмас. Аммо қўл қовуштириб, қараб турмаймиз. Вазиятдан чиқиб кетишга ҳаракат қиламиз. Бу қўлимиздан келади. Шу боис ҳам навбатдаги тур ўйинларида кўпроқ очко тўплаш асосий мақсадимиз бўлади.