Хави Акрам Афифни мақтади
03 дек 2019 17:19
Новости

Хави Акрам Афифни мақтади

Кеча ОФК "2019 йилнинг энг яхшиларини тақдирлаш" маросимини ўтказди.

Ушбу мавсум якунларига кўра, Қатар терма жамоаси юлдузи ҳамда "Ал Садд" етакчиси Акрам Афиф "2019 йилнинг энг яхши футболчиси" деб топилди. Бироқ Афиф ўз терма жамоаси билан Кўрфаз Кубогида иштирок этаётгани боис маросимга кела олмади.

Натижада унга бериладиган совринни "Ал Садд" бош мураббийи Хави қабул қилиб олди. Тадбирдан сўнг ОФК расмий сайтига интервью берган Хави ўз шогирди ҳақида илиқ фикр билдирди:

- "Акрам Афиф энг яхши бўлганидан хурсандман. У ҳам клубда, ҳам терма терма миқёсида ажойиб ўйин кўрсатди. Қатар терма жамоасининг Осиё чемпиони бўлишида ҳамда "Ал Садд"нинг ОЧЛ ярим финалига қадар етиб келишида Акрамнинг қўшган ҳиссаси катта. Унинг учун гўёки чегара йўқдек. Мен ўзига ҳам ниҳоятда иқтидорли эканини кўп марта айтганман".

Ссылка :

Источник : the-afc.com

Получайте новости прямо в Telegram!

Рейтинг: +2