Гаиска Мендьета: "Хави МЮда ишлашга ўзини тайёрлаб келмоқда"

"Агарда мос лойиҳа топширишса, Хави ишга тезликда киришиб кета олади. АПЛда ишлашни ким ҳам истамайди дейсиз. Шундай пайтда "Манчестер Юнайтед" бошқарувини ўз қўлига олишга ким ҳам рози бўлмайди?

У жуда қийин пайтда "Барселона" ҳолатини ўзгартира олган. Албатта, у "Манчестер Юнайтед"ни "Барселона"чалик билмас, лекин унда тажриба бор ва бундай ишларда ўзини кўрсата олади.

Менимча унга тўғри йўналиш берилса, у бунга рози бўлишига ишонаман. Чунки у бунга ўзини тайёрлаб келмоқда. Биламан, унда бунгача ҳам яхши вариантлар бўлган, лекин бу унга мос келмаган.

Футболда ўзгаришлар жуда катта. Мураббий ва футболчилар вазиятга тез мослашишмоқда. Одамлар ҳар бир ишга пухта тайёрланаётганидан даража жуда юқори. Бошқа клубларда, уларнинг футболчиларида бўлаётган ўзгаришларни кўриш учун мураббийларда технологиялар ҳам кўп. Хавида ҳам вазиятни тахлил қиладиган муҳим ашёлари бор. Шу боис "Манчестер Юнайтед" бўладими ёки бошқа клуб, у ишига тайёр ҳолатда боради", - деди Каталония клубининг собиқ футболчиси.