ЎзПФЛ Осиёда аёллар жамоаларини ҳам лицензиялаш бўйича биринчилардан бўлди

Хусусан, ўтган йили қитъа бўйича илк бора аёллар жамоалари ҳам синов тариқасида лицензиялашдан ўтказилди. Ўзбекистон Профессионал футбол лигаси кам сонли аъзо мамлакатлар қаторида аёллар клубларини ҳам лицензиялаш жараёнига жалб этди. 

Якунда “Сўғдиёна-W” ҳамда “Бунёдкор-W” Осиё бўйича энг биринчи аёллар жамоаларидан бўлиб ОФК лицензиясига эга чиқишди. 2022 йилдан эътиборан мазкур жараён барча қолган аъзо давлатларда ҳам мажбурий тартибда татбиқ этилади. 2023 йилда аёллар жамоалари ўртасида илк наъмунавий 8 та клуб иштирокида Осиё Чемпионлар лигаси ташкил қилинса, 2024 йилдан эътиборан аёллар жамоалари учун тўлақонли ОЧЛга старт берилади ва унда фақат лицензия олган клубларгина иштирок этади.