Ўзбекистонлик ҳакамлар Туркияда бир қатор ўртоқлик ўйинларини бошқаришди

Туркиядаги ўқув йиғини давомида ўзбекистонлик реферилар бир қатор ўртоқлик турнирлари ва назорат учрашувларида ҳакамлик қилиши режалаштирилган эди. Кеча, Туркиянинг Анталия шаҳрида ўтказилган ўртоқлик учрашувларининг айримдарини ўзбекистонлик реферилар бошқариб боришди.

Жумладан, Руминиянинг «Университат» ҳамда Грузиянинг «Сиони» клублари ўртасидаги ўйинни Бахтиёр Намозов бошчилигидаги ҳакамлар бригадаси бошқарди. Ушбу ўйинда Бобур Қодиров ҳамда Абдураҳмон Қўлдошевлар лайнсмен вазифасини бажаришди.

Шунингдек? яна бир учрашувда Қозоғистоннинг «Жетису» ҳамда Сербиянинг «Ягодина» клублари ўзаро баҳс олиб боришди. Мазкур ўйинни ҳам ўзбекистонлик ФИФА рефериси Дмитрий Пислегин бошқариб борди. Унга қанотларда Равиль Шояхметов ва Тимур Гайнуллинлар ёрдам беришди.

Ўзбекистонлик яна бир ФИФА рефериси Ҳасан Рўзиев эса, бугун бўлиб ўтадиган «Амкар» (Россия) - «Лех» (Польша) ўйинини бошқаради.