ОЧЛ. “Бунёдкор” – “Лаҳвия”. Юмпей илк бор Ўзбекистон клуби иштирокидаги ўйинда

Бу баҳсни япониялик ҳакамлар бригадаси бошқариб боришади. Бош ҳакам – Иида Юмпей. Унга қанотларда ҳамюртлари Наги Тошиюки ва Ямаучи Хироши ёрдам беришади. Эслатиб ўтамиз, бу учрашув 17 март куни Тошкент вақти билан соат 18:00да бошланади.

1981 йилда таваллуд топган ушбу ҳакам халқаро фаолиятини 2011 йилда бошлаган. Иида Юмпей шу кунгача асосан ОФК кубоги ва турли ёшдаги қитъа чемпионати саралашларида ишлаган. Шу боис ҳам терма жамоаларимиз ва клубларимиз иштирокидаги биронта ўйинда ҳакамлик қилмаган. “Бунёдкор” – “Лаҳвия” учрашуви Юмпей учун 2015 йилги Осиё чемпионлар лигасидаги дебют бўлади.

ОЧЛ. 3-тур. "A" гуруҳи
БУНЁДКОР – ЛАҲВИЯ
17 март 2015. Тошкент. “Бунёдкор” стадиони. 18:00
Бош ҳакам: Иида Юмпей (Япония)
Қанот ҳакамлари: Наги Тошиюки (Япония), Ямаучи Хироши (Япония)
Захира ҳаками: Окабе Токуто (Япония)
Назоратчи: Хусайн Милажерди Асқари (Эрон)
Комиссар: Мотасем Фарис Сулаймон Алнаити (Иордания)