"Обод" футболчилари пенальтидан гол ура олишмайдими?

Бу ўйинда "Машъал" 5:0 ҳисобида зафар қучди. Гап бунда эмас. Эътиборли томони олий лига дебютанти бўлган "Обод" клубининг икки футболчиси пенальтидан гол ура олишмади. Учрашувнинг 15-дақиқасида Санжар Тўрақуловнинг 11 метрли жарима тўпидан йўллаган зарбасини "Машъал" посбони Жавоҳир Илёсов қайтаришга эришди. 82-дақиқада белгиланган пенальтини Шерзод Жалилов амалга оширди. Бироқ бу зарба ноаниқ кетди.

Қизиғи "Обод" футболчиси 9-турда "Нефтчи"га қарши баҳсда ҳам пенальтидан гол ура олмаганди. Ўшанда Павел Соломиннинг "нуқта"дан йўллаган зарбасини посбон қайтариб қолганди.

Шундай қилиб, 3 марта пенальти тепиш ҳуқуқига эга бўлган тошкентликлар уларнинг ҳеч биридан фойдалана олишмади.

Маълумот учун, "Обод" дарвозасига 5 марта пенальти белгиланган ва уларнинг 4таси гол билан тугаган.

Санжар Тўрақуловнинг зарбаси

Шерзод Жалиловнинг зарбаси