Неймар "Навбаҳор"га қарши ўйинда жамоа сардори бўлиши кутилмоқда. Боғичнинг собиқ эгаси эса бундан ғазабда

"Ал Ҳилол"нинг бразилиялик юлдузи Неймар яқинда дебютини ўтказди ва самарали ҳаракатларни амалга оширди. 

Asharq al-Avsat газетасининг хабарига кўра, клуб раҳбарияти сардорлик боғичини бутунлай 32 ёшли футболчига ишониб топширмоқчи. Бироқ ушбу қарорга жамоанинг амалдаги сардорларидан бири Салим ал Давсари ўз норозилигини билдирган.

Бразилиялик ҳужумчи Осиё Чемпионлар лигасининг 1-тури доирасида "Навбаҳор"га қарши ўйинда жамоаси майдонга бошлаб тушиши кутилмоқда.

Эслатиб ўтамиз, Неймар дебют баҳсида пенальти ишлагач, Давсари унга 11 метрли жарима зарбасини тепиш имкониятини бермасдан, стандартни ўзи амалга оширганди, бу эса кўпгина мухлисларнинг норозилигига сабаб бўлди.

“Ал Ҳилол” – “Навбаҳор” ўйини эртага Тошкент вақти билан соат 23:00 да старт олади.