Мексика термаси устози Хайме Лозано Ўзбекистон қийин рақиб эканлигини таъкидлади

"Биз ҳисоб қандай бўлишидан қатъи назар охирги дақиқаларгача ўйнашимиз керак.

Эктор Эрреранинг ўйинларини қадрлайман. У жамоадошларига қўлидан келганича ёрдам бермоқда.

Ўзбекистон номи жарангдор эшитилмаслиги ва катта рақиб бўлмаслиги мумкин, аммо улар Америка Қўшма Штатларига қарши ўйинда 90 ва 98-дақиқаларда гол ўтказиб юборгач, 0:3 ҳисобида мағлуб бўлишди", – деди Лозано.

Шунингдек, мутахассиснинг маълум қилишича, асосий таркибда ҳеч бир футболчи учун жой кафолатланмаган ва Ўзбекистон билан баҳсда олдинги ўйинларга қараганда ўзгаришлар бўлади.

Эслатиб ўтамиз, Мексика – Ўзбекистон учрашуви 13 сентябрь куни Атлантадаги "Мерседес-Бенц Стэдиум"да ўтказилади. Баҳс Тошкент вақти билан 4:30 да бошланади.