"Машъал" футболчиси Тожикистон терма жамоасига чақирув олди

23 март куни Тожикистон Манамада Баҳрайн билан ўртоқлик учрашуви ўтказади, 28 мартда Дохада Яман билан 2019 Осиё Кубоги саралаши доирасидаги ўйинда иштирок этади.

Ушбу баҳслар учун Тожикистон терма жамоасига 27 нафар футболчи чақирилди – 4 дарвозабон, 8 ҳимоячи, 11 ярим ҳимоячи ва 4 ҳужумчи. Термага олти нафар легионер таклиф қилинди – дарвозабон Абдуазиз Махкамов («Олой», Қирғизистон), ҳимоячилар Давронжон Эргашев («Тараз», Қозоғистон), Искандар Жалилов («Дунав», Болгария), ярим ҳимоячилар Парвизжон Умарбоев («Локомотив», Пловдив, Болгария), Нозим Бобожонов («Баҳрайн», Баҳрайн) ва Умеджон Шарипов («Машъал», Ўзбекистон).

22 март куни тонгда Тожикистон терма жамоаси делегацияси Дубай орқали Манамага учади.

Тожикистоннинг кенгайтирилган таркиби:

Дарвозабонлар: Абдуазиз Махкамов («Олой», Қирғизистон), Курбонали Бобоев («Истиқлол»), Далер Азизов («Регар-ТадАЗ»), Бехруз Хайриев («Баркчи»);

Ҳимоячилар: Давронжон Эргашев («Тараз», Қозоғистон), Искандар Жалилов («Дунав», Болгария), Сиёвуш Асроров, Соҳиб Саванқулов, Амирбек Жўрабоев, Табрези Давлатмир, Ахтам Назаров (барчаси – «Истиқлол»), Ойбек Абдугаффоров («Хосилот»);

Ярим ҳимоячилар: Парвизджон Умарбоев («Локомотив», Пловдив, Болгария), Нозим Бобожонов («Баҳрайн», Баҳрайн), Умеджон Шарипов («Машъал», Ўзбекистон), Мухсинджон Парпиев («Баркчи»), Нуриддин Давронов, Фатхулло Фатхуллоев, Эхсони Паншанбе, Жаҳонгир Алиев, Ромиш Джалилов (барчаси – «Истиқлол»), Фируз Караев («Регар-ТадАЗ»), Муҳаммаджони Ҳасан («Хосилот»);

Ҳужумчилар: Манучехр Жалилов, Жаҳонгир Эргашев, Дилшод Восиев (барчаси – «Истиқлол»), Давронжон Тўхтасунов («Хўжанд»).

Бош мураббий – Хаким Фузайлов.