Кеча "Локомотив" футболчиси қиз ўртоғининг "қўлини сўради" ФОТОГАЛЕРЕЯ (18+)

Турнинг марказий тўқнашуви Тошкентдаги "Локомотив" стадионида бўлиб ўтди. Унда амалдаги чемпионлар "Бунёдкор"ни қабул қилишди. Ҳужумларга бой ва қизиқарли ўтган баҳсда "темирйўлчилар" 2:1 ҳисобида ғалаба қозонишди.

Суперлига. "Локомотив" дербида "Бунёдкор"ни мағлуб этди

Учрашувдан кейинги воқеа ҳам қизиқарлилик бобида ўйиндан қолишмади. "Локомотив"нинг сербиялик легионери Игорь Йелич дербида қўлга киритилган муҳим ғалабадан сўнг қиз ўртоғи Елена Марковичнинг "қўлини сўради".

"Локомотив" ўйинчилари олдиндан тайёрлаб қўйилган либосларни кийиб олишди. Унда серб тилида "Удаj се за мене" (Udaj se za mene, Менга турмушга чиқ) деб ёзилган.

28 ёшли Йелич мана шундай ўзига хос тарзда қиз ўртоғидан унга турмушга чиқишини сўради.

Елена Маркович эса романтик таклифдан сўнг йиғлаб юборди ва ...

Ва Игорнинг таклифини қабул қилди.

Ўша лаҳзада майдонда турган исталган инсондан бахтли жуфтлик.

Игорь ва Елена жуфтлигига бахт тилаб қоламиз!