Жаъфар Ирисметов: "Шароф Муҳитдинов масаласида "Насаф" билан келиша олмадик, Ойбек Бозоров эса..."

Клуб спорт директори Жаъфар Ирисметовга трансфер масаласида савол берилди. 

- Йил бошида Шароф Муҳитдинов ва Ойбек Бозоровнинг "Пахтакор"га ўтиши мумкинлиги ҳақида эшитгандик. Шунга ойдинлик кирита оласизми? Ҳақиқатдан ҳам қизиқиш бўлганмиди?  

- Тўғри Шароф Муҳитдинов борасида "Насаф" билан гаплашдик, аммо Қарши клуби билан келиша олмадик. Шароф бизга жуда керак эди, аммо транфсер амалга ошмади. Насиб бўлса кейинги трансфер ойнаси вақтида бу борада яна ўйлаб кўрамиз. 

Ойбек Бозоровга келсак Осиё чемпионатидан кейин таклифлари кўп бўлса керак. Унга қизиқдик, бироқ "Насаф" у билан хайрлашишни истамаяпти. Ҳозирги кунда "Насаф"да ўйнагани яхшироқ, чунки "Пахтакор"га келса ва захирада ўтириб қолса бу фойда бўлмайди. Ундан кўра айни пайтда "Насаф"да ўйнаб ўсгани Ўзбекистон футболи учун яхши деб ўйлайман", - дейди Жаъфар Ирисметов.