Илҳом Мўминжонов: "Гап битта: "Пахтакор"ни мағлуб этиш лозим!"

"Навбаҳор" бош мураббийи Илҳом Мўминжоновдан "Пахтакор"га қарши ўйин ва Намангандаги майдон ҳолати бўйича фикрларини сўрадик.

- "Иккинчи босқични гранд жамоалардан бири "Пахтакор" билан бошлаймиз. Рақиб ҳақида нима дейиш мумкин? Ҳозирги кунда "Пахтакор" топ даражадаги жамоа саналади. Шунга монанд жамоага топ даражадаги футболчилар йиғилган. Аслида "Навбаҳор" ҳар бир баҳсга жиддий тайёргарлик кўради. Аммо "Пахтакор" деганда кўз олдимизда етакчи жамоа гавдаланади. Шу боисдан ҳам бу тўқнашувга ўзгача кайфиятда ва астойдил тайёргарлик кўрамиз. Чемпион бўлишни хоҳласак, унда "Пахтакор" каби жамоани мағлуб этиш лозим! Гап битта!".

- "Билмадим нимага, ҳозирги кунда кўплаб мураббийлар айнан майдон ҳолатини танқид қилишмоқда. Намангандаги майдон ҳолати яхши, жа ёмон аҳволда бўлмаган. Яқин 5-6 йил аввал Намангандан ғалаба билан қайтган мураббийлар майдон ҳолати ҳақида лом-лим дейишмаган. Мағлубиятга учрагач майдонимизга ёпишиб олишмоқда. Ўйлашимча, талабга жавоб бермайдиган бошқа майдонлар ҳам етарли. Мутахассислар бошқа майдонларни ҳам кўриб чиқишсин. Ҳозирги кунда Намангандаги майдон талабга жавоб беради. Акс ҳолда ПФЛ бу майдонда ўйнашга рухсат бермасди. Майдонимиз ҳолати "Навбаҳор"га устунлик беради, деган фикрга қўшилмайман. Стадионимиздаги ягона устунлигимиз - халқ, мухлисларимиз", - деди Илҳом Мўминжонов.

Шаҳбоз Беғамов суҳбатлашди.