Гарет Саутгейт оила аъзоларига Англия термасидаги келажагини маълум қилди

"The Telegraph" хабарига кўра, 52 ёшли мутахассис бу қарорини Англия Футбол ассоциациясига маълум қилмаган, бироқ бу қарорга келиб бўлган.

Англия термаси бош мураббийи ўтган якшанба куни уйига қайтган ва оила аъзоларига фаолиятини давом эттиришини маълум қилган. Жаҳон чемпионати стартига қадар у қандай натижа қайд этса ҳам истеъфога чиқишни ўйлаганди. Бироқ якунда у фикрини ўзгартирди.

Эслатиб ўтамиз, Англия термасининг ЖЧ-2022даги сўнгги манзили чорак финал бўлди. Унда инглизлар Францияга 1:2 ҳисобида мағлубиятга учради.