Ғайрат Ҳасанов: “Кападзе ва Исмоилов билан яна бирга ишлашга йўқ демасдим”

- Ғайрат ака айни пайтда нималар билан бандсиз?
- Ҳозирги вақтда Фарғона давлат Университетида Иқтисодиет факультетида таҳсил оляпман.

- Ўтган мавсум биринчи давра якунланганда сўнг нега бошқа жамода кўриниш бермадингиз?
- Ўтган мавсум “Нетфтчи”дан кетаётганимда трансфер ойнаси якунланишига бор йўғи 2 кун қолганди. Ўша пайтда бошқа клублар билан алоқага чиқишга кеч қолгандим.

- Ўзи “Нефтчи”дан кетишингизга нима сабаб бўлган эди?
- “Нефтчи”нинг Фарғонадаги “Локомотив”га қарши ўйнидан сўнг жамоа бошлиқлари билан бироз чиқиша олмай қолдик. Шу воқеадан бир оз вақт ўтиб клубдан кетдим.

- Мавсум якунланди, ҳозирда ҳар бир клубда селекция ишлари бошланди, олий лиганинг кўп клубларида дарвозабон муаммоси кўзга ташланмокда, бу клубларга “Навбаҳор”, “Андижон”, “Бухоро”. Сиз ва Сардор Қобулжонов “Нефтчи”дан кетганлариндан сўнг бу муаммо “Нефтчи”да ҳам кўзга ташланмокда. Сизга қайси клублардан таклиф тушяпти?
- Олий лиганинг икки-уч клубидан таклиф тушди. Лекин улар билан келиша олмадик.

- Агар “Нефтчи”дан таклиф тушса яна қайтган бўлармидингиз?
- Ростини айтсам менга таклиф билдирган клубларга ўтишни ўзим хоҳламадим. Мен айнан “Нефтчи”дан чорлов бўлишини кутаяпман.

- Демак, фақат “Нефтчи”га қайтаман демоқчимисиз?
- Агар раҳбарлар қайтишими хоҳлашса албатта қайтардим, ахир Тохир Кападзе мурабийлиги остида “Цементчи” клубида футболга кириб келган бўлсам, Мурод Исмоилов билан “Цементчи”да бирга тўп тепганман. Ушбу мутахасислар билан бирга бир жамоада яна ишлаган бўлардим. Ҳамма ҳам хато қилади, мендан ҳам бир ўз хато ўтган бўлиши мумкин.


Акбаров Исломжон суҳбатлашди