RU

Последние новости

14:25ЖЧ йилида ПФЛ режаларида ўзгаришлар бўлиши мумкин: ташкилот 3 та вариантни илгари сурди  1 14:12Ўзбекистон U-17 қизлар терма жамоаси йиғин бошлади  0 13:51Аморим: "Манчестер Юнайтед"да 20 йил ишламоқчиман"  0 13:31"Андижон" "Қўқон-1912" дарвозасига жавобсиз 3 та тўп йўллаган учрашувдан ГАЛЕРЕЯ  1 13:17"Хоразм" Ғузорда "Шўртан"дан устун келган баҳсдан ГАЛЕРЕЯ  0 13:03ОКМК "Бухоро"ни ишончли ҳисобда мағлуб этган ўйиндан ГАЛЕРЕЯ  0 12:46Виктор Гёкереш "Арсенал"га трансферидан олдин Лондонда бизнес бошлаган  0 12:20​38 ёшли Давид Луис "Пафос" футболчисига айланди  1 11:57Эржан Токотаев: "Биринчи ўйинимда гол ўтказмаганимдан мамнунман"  7 11:35Тимур Кападзе: "Ўзбекистоннинг мақсади – тарих яратишни давом эттириш. Ўртоқлик ўйинларида янги футболчиларни синаб кўрамиз"  10 11:14Суперлига 17-тур баҳсларига ҳакамлар тайинланди  7 10:38Февзи Давлетов: "Қизилқум" икки тайм давомида позицион ҳимояланди"  2 10:10Сон Хён Миннинг янги жамоаси маълум  1 09:39Саудия Арабистони терма жамоаси аъзоси Франция клубига ўтди  1 09:08"Бавария" футболчиси фаолиятини АПЛда давом эттиради  1

Тимур Кападзе: "Ўзбекистоннинг мақсади – тарих яратишни давом эттириш. Ўртоқлик ўйинларида янги футболчиларни синаб кўрамиз" Новости

Тимур Кападзе: "Ўзбекистоннинг мақсади – тарих яратишни давом эттириш. Ўртоқлик ўйинларида янги футболчиларни синаб кўрамиз"

Ўзбекистон терма жамоаси бош мураббийи Тимур Кападзе Жаҳон чемпионати финал босқичига чиқишнинг аҳамияти ва келгуси йилги мусобақада Марказий Осиё жамоасидан кутилаётган имкониятлар ҳақидаги фикрлари билан ўртоқлашди.

"Албатта, мундиаль биз учун тарихий муваффақият ҳисобланади. Жаҳон чемпионати футбол оламидаги энг нуфузли турнирдир. Орзумизни рўёбга чиқариш учун кўп йиллар давомида тинимсиз меҳнат қилдик ва ниҳоят, ҳаракатларимиз ўз самарасини берди. Халқимиз бундан хурсанд. Ишончим комилки, бу муваффақият нафақат биз учун, балки бутун мамлакатим учун катта илҳом манбаи бўлиб, олдинга ташланган улкан қадамдир. Бундай ютуқлар спортнинг ривожланишида муҳим аҳамият касб этади. Ҳозирги кунда ёшлар футболга тобора қизиқиш билдирмоқда, кўплаб ота-оналар эса фарзандларини футбол мактабларига беришмоқда. Бу жуда руҳлантирувчи ҳолат. Бундай суръат кўпроқ ҳомийларни жалб қилишга, инфратузилмани яхшилашга ва истеъдодли футболчилар сафини кенгайтиришга ёрдам беради.

Очиғини айтганда, жамоага саралаш босқичининг ўртасида қўшилиш осон бўлмади. Муҳит жиддий эди, олдинда муҳим ўйинлар бор, вақт эса жуда оз эди. Жамоага тез мослашиб, дарҳол натижа кўрсатишим керак бўлди. Аввалги саралаш босқичларида мақсад сари яқин келгандик, аммо охирги лаҳзаларда омад юз ўгирганди. Бироқ бу сафар охиригача бардошли бўлдик, яхши тайёргарлик кўрдик ва Жаҳон чемпионатига йўлланмани қўлга киритдик.

Ҳар бир ўйин ўзига хос босимга эга, бироқ Абу-Дабидаги учрашувнинг фарқи шунда эдики, унинг ҳал қилувчи эканлигини билардик. Биргина очко етарли бўлишини англаганимиз сабабли, ўзига хос танглик юзага келди. Аммо ўзимизга ишониб, пухта тайёргарлик кўрдик ва пировардида керакли натижага эришдик.

Бизда аллақачон мустаҳкам пойдевор мавжуд. Бироқ олдимизда ҳали вақт ва бир нечта ўртоқлик учрашувлари бор. Ўйинларда янги футболчиларни синаб кўрамиз. Бирор ўйинчи ўзини кўрсатса, албатта, уни таркибга киритиш масаласини кўриб чиқамиз. Шу боис, барқарорликни сақлаб қолиш билан бирга соғлом рақобатни рағбатлантиришни мақсад қилганмиз. ФИФА кунларидан тўлиқ фойдаланиб, тайёргарлик учун иложи борича кўпроқ ўртоқлик учрашувлари ўтказишни режалаштирганмиз. Менинг фикримча, CAFA Миллатлар Кубоги ҳам қимматли мусобақа ҳисобланади. Бу турнир бизга қисқа вақт ичида турли жамоаларга қарши ўйнаш имконини беради. Шунингдек, у янги футболчиларни синаб кўриш учун ажойиб имконият. Ҳар қандай учрашув ва турнир, кичик миқёсда бўлмасин, тайёргарлигимизда фойдали бўлади.

Ўзбекистон Жаҳон чемпионатида илк бор иштирок этади. Биз учун ҳамма нарса янгилик бўлади. Шунчаки бундай нуфузли мусобақада қатнашиш ва тажриба орттиришнинг қиймати юқори. Бироқ ҳар ўйинга ғалаба қозониш мақсадида ёндашамиз. Гуруҳ босқичидан ўтиб, имкон қадар узоқроққа боришга эришсак, ажойиб бўларди. Мундиаль янги саҳифа ва янги босқич ҳисобланади. Жаҳон чемпионати жуда муҳим аҳамиятга эга. 

Топ-лигалардаги иштирок футболчиларга юқори даражадаги тажриба орттириш имконини беради ва уларнинг бу тажрибасини миллий терма жамоада қўллашига замин яратади. Европадаги футбол жуда рақобатбардош, шунинг учун футболчиларимиз у ерда ўйнаб, кучли ва етук бўлиб бормоқда. Бу эса миллий терма жамоага катта фойда келтирмоқда", – деди Кападзе.

Аввалроқ терма жамоа устози Аргентина ва Уругвай билан ўйинлар ҳақидаги маълумотлар ҳақиқатга яқин эканини таъкидлаган эди. 

Рейтинг: +2   

Комментарии

+6   
04 авг 12:01:17
Redminote13
Терма жамомизга ва Темурга омад ёр бўлсин. Темур виждонан ва астойдил ишлабди уялтириб қўймайди худо хохласа.
+1   
04 авг 14:32:13
FAQAT OLG'A
Ответ на комментарий пользователя ,Хаqiqiy Kazim.
Тре ялангойок
Senga raxmim it sen baribir odam bolmaysan butun boshli bitta sayt oquvchilarini dushmanisan
+1   
04 авг 12:24:29
Soccerland777
Биз ЖЧ га Шимолий Корея каби адашиб чиқиб қоладиган мтжни эмас, балки Жанубий Корея каби мунтазам иштирок этадиган мтж ни қуришимиз лозим.
   
04 авг 14:39:01
Odilbek Abdushukurov
Ответ на комментарий пользователя Аваз Худойқулов
Лёв масаласи нима бўлди????
U masala tagiga oldi shekilli.
   
04 авг 14:14:01
Rasul M
Yangi oyinchilarni sinaymiz degani Jasur Jalollidinov va bir nechta lyubimchiklarim keladi degani...Bu yaxshimas albatta İntervyuniyam yoribdila lekin Xuddi Kuper davrida Abramovni orniga qabul qilib olib Jahon chempionatiga chiqaanday gapiribdila oziyam Xech qanday Garazlik yoq lekin Agar xorijdan.murabbiy bolsa bazi erkatoylar bolmaydj terma jamoada
   
04 авг 13:42:11
Erkin
Бу интервью Темурнинг эмас, журналистнинг фикрларидек силлиқ чиқибди. Ўзининг жонли гапларини берсаларингиз, ишончлироқ бўларди.
   
04 авг 13:36:09
Аваз Худойқулов
Лёв масаласи нима бўлди????
   
04 авг 12:52:01
,Хаqiqiy Kazim.
Ответ на комментарий пользователя FAQAT OLG'A
Sen deyarli bir nima qilmading tayyor jamoaga tayyor sxemaga kelding Temurdan umidim yoq ochigi u deyarli hech narsa bilmaydi bizni MTJ ni hamma organadi guruhdagilar nimanidur ozgartiradigan tarkib uslub yoq ortoqlik oyiniga yangi oyinchilar chaqiraldi oynaydi rasmiyda osha osha tarkib nima foyda kimga kerak bunaqa sirk
Тре ялангойок
   
04 авг 11:50:52
Football Onlooker
худдики КПССГА ШОН-ШАРАФЛАР БУЛСИН,КПСС 27 СЕЗДИ ҚАРОРЛАРИ ХАЕТГА деганга ухшаш чиқибди интервюларинг ))) Темур жиянга баландпарвоз гаплар купам ярашмаскан,бу интервюмас худди минбарга чиқиб нутқ уқиганга ухшаб қолибди
-1   
04 авг 12:43:37
FAQAT OLG'A
Sen deyarli bir nima qilmading tayyor jamoaga tayyor sxemaga kelding Temurdan umidim yoq ochigi u deyarli hech narsa bilmaydi bizni MTJ ni hamma organadi guruhdagilar nimanidur ozgartiradigan tarkib uslub yoq ortoqlik oyiniga yangi oyinchilar chaqiraldi oynaydi rasmiyda osha osha tarkib nima foyda kimga kerak bunaqa sirk
championat.asia
< посмотреть последние новости
Яндекс.Метрика