Францияда мавсумнинг энг яхшилари аниқланди. Рамзий термадан 9 нафар ПСЖ футболчиси жой олди
12 мая 08:21
Новости

Францияда мавсумнинг энг яхшилари аниқланди. Рамзий термадан 9 нафар ПСЖ футболчиси жой олди

ПСЖ ҳужумчиси Усмон Дембеле Профессионал футболчилар миллий иттифоқи (UNFP) томонидан 2024/2025 йилги мавсумда Лига 1ʼнинг энг яхши футболчиси деб тан олинди.

Франциялик ҳужумчи жорий мавсум Лига 1ʼда 28 та учрашувда майдонга тушди. Унинг ҳисобида 21 та гол ва 8 та голли узатма бор. Ташкилот шунингдек яна бир нечта номинацияда ғолибларни аниқлади.

Йилнинг энг яхши дарвозабон “Лилль” клубидан Лук Шевалье, энг яхши мураббий парижликлар устози Луис Энрике, хориждаги энг яхши франциялик футболчи Килиан Мбаппе тан олинди.

Шунингдек, йил рамзий терма жамоаси ҳам тузилди. Рамзий термадан 9 нафар ПСЖ футболчиси жой олди.