"Ал Иттиҳод" Бенземага янги шартнома таклиф қилмади

"Ал Иттиҳод"нинг 37 ёшли ҳужумчиси Карим Бензема Саудия Арабистони клуби билан шартномасини узайтирмади. Бу ҳақда Footmercato хабар бермоқда. Амалдаги шартнома 2026 йил июнь ойигача мўлжалланган.

Манба маълумотларига кўра, шартномани узайтириш ҳақидаги миш-мишларга қарамай, футболчи ҳали ўз клубидан расмий таклиф олмаган. Жорий мавсумда Бензема барча мусобақаларда 12 та ўйинда иштирок этиб, 11 та гол урди. Ҳужумчи 2023 йилдан бери "Ал Иттиҳод" сафида тўп сурмоқда. У "Реал" билан шартномаси тугаганидан сўнг янги жамоага эркин агент сифатида қўшилган эди. Transfermarkt портали маълумотларига кўра, футболчининг бозор қиймати 7 миллион еврони ташкил этади.