Денис Коростиченко: "Барча жамоалар гуруҳдан чиқиш учун ўйнашади. Биз ҳам шунинг учун курашамиз"
09 мар 2023 12:53
Новости

Денис Коростиченко: "Барча жамоалар гуруҳдан чиқиш учун ўйнашади. Биз ҳам шунинг учун курашамиз"

"Локомотив" бош мураббийи Денис Коростиченко Cоcа Cола Ўзбекистон Кубоги-2023 гуруҳ босқичидаги рақиблар борасида фикрларини билдирди.

"Қуръа яхши бўлди. Яхши гуруҳга тушдик. "Қизилқум" кучли рақиб, "Динамо" ва "Зомин" ҳам сифатли жамоалар. Қуръага кўра, дастлабки ўйинни ўз майдонимизда ўтказишимиз яхши ҳолат. Дастлаб "Зомин"ни қабул қиламиз. Ушбу баҳсга юқори даражада тайёргарлик кўрамиз. Навбатдаги сафар ўйинлари ҳам осон бўлмайди: "Қизилқум" ва "Динамо" ўз майдонида кучли ўйин намойиш қилади.
Менимча, гуруҳда осон ўйиннинг ўзи бўлмаса керак. Барча жамоалар гуруҳдан чиқиш учун ўйнашади. Биз ҳам шунинг учун курашамиз. Ҳудо хоҳласа, кубок баҳсларида охирги учрашувга боришга ҳаракат қиламиз. Бу мавсумда ўтган йилги хатоларни такрорлашни истамаймиз. Мақсадлар юқори, шу сабабли барчани хайрон қолдиришга ҳаракат қиламиз", - деди Денис Коростиченко.

Ссылка :

Источник : championat.asia

Получайте новости прямо в Telegram!

Рейтинг: +1