Биринчи лига. Иккинчи босқич якунлари. Бу йил ҳам 6-ўринни олган “НБУ-Осиё”
27 ноя 2015 12:00
Новости

Биринчи лига. Иккинчи босқич якунлари. Бу йил ҳам 6-ўринни олган “НБУ-Осиё”

Теги : НБУ-Осиё

“Банкирлар” ўтган мавсумни 6-ўринда тугатганди. Эътиборлиси бу йил ҳам яна 6-ўриндан жой олди.

Руфат Акрамхўжаев бошқарувни ўз қўлига олгач, чўчимасдан бир қатор ёшларни асосий таркибга жалб этди. Натижада янги номлар чиқа бошлади. Аббос Пўлатов, Миршоҳид Олимов, Аҳмадилло Назаров, Ориф Абдуғаниев, Сарвар Сафаров ҳамда Муҳаммаджон Султонов каби иқтидорли футболчиларнинг айримлари бу йил ОТЖ мураббийларини назарига тушди.
Бош мураббийга яқиндан ёрдам бериб келаётган Рустам Орипов ҳам ёшлар билан ишлаш ҳадисини олганлардан эканлигини айтиш лозим. Кези келганда шуни айтиш керакки, бугунги кунда олий лигада ўйнаётган Икром Алибоев, Қувондиқ Рўзиев ва Хуршид Мухторовнинг миллионлар ўйинидаги илк устози айнан Орипов саналади.

“НБУ-Осиё”нинг бу йилги иштирокини ижобий баҳолаш мумкин. Жамоанинг олдига элитага чиқиш вазифаси қўйилмасада, лекин кўплаб футболчилар учун олий лигага ўтиш учун ўзига хос кўприк вазифасини ўтаб бериб келмоқда.

Қуйида жамоанинг иккинчи босқичда қайд этган натижаси билан батафсил танишиш имкониятига эга бўласиз.

Ўйинлар	16
Умумий голлар	33
Уйда	22 (66,67%)
Сафарда	11 (33,33%)
Ўтказиб юборилган голлар	17
Уйда	10 (58,82%)
Сафарда	7 (41,18%)
Урилган ўртача голлар	2,06
Ўтказиб юборилган ўртача голлар	1,06
Уйдаги очколар	19/24 (79,17 %)
Сафардаги очколар	12/24 (50 %)
Энг йирик ғалаба	6:2 – “Ғиждувон”
Энг йирик мағлубият	1:3 – “Зомин”
Гол ўтказиб юборилган ўйинлар	4 (25%)
Голсиз ўйинлар	3 (18,75%)
Иродали ғалаба	2
Иродали дуранг	1
Иродасиз мағлубият	1
Иродасиз дуранг	0
Йирик ғалаба	3
Йирик мағлубият	0
Автогол (урилган/ўтказиб юборилган)	0/0
Огоҳлантириш (ўртача)	42 (2,62)
Четлатиш (ўртача) – Тўғридан тўғри/2-СК	2 (0,12) - 1/1
Мухлислар ташрифи (жами/ўртача)	5929/371

“НБУ-Осиё” футболчилари иккинчи босқичда рақиблари дарвозасига жами 16та тўп киритди. Ҳар бир ўйинга ўртача 2тадан гол демакдир. Жамоа сафида мавсум тўпурари Олим Навкаров бўлди. Таниқли футболчи оғир жарохатларни бошидан ўтказган бўлишига қарамай, ҳамон бутсаларини михга илишга шошилаётгани йўқ. Навкаров иккинчи босқичда 12та тўп киритган бўлса, унинг мавсум давомидаги умумий голлари сони 18тани ташкил этди. Ажаб эмас Олимни келаси йил яна олий лигада кўрсак.

Ким қанча гол урди?

Футболчи	Гол	Пен.
Олим Навкаров	12	(1)
Музаффар Умурзоқов	6	(4)
Муҳаммаджон Султонов	4
Леонид Кошелев	3
Улуғбек Боқиев	3
Аҳмадилло Назаров	2
Саидислом Сотволдиев	2
Элдор Чориев	1