АПЛ клублари мавсумни Австралияда якунлаб қўйишлари мумкин
03 мая 2020 07:02
Новости

АПЛ клублари мавсумни Австралияда якунлаб қўйишлари мумкин

Англия премьер лигасида иштирок этувчи клубларга мавсумнинг қолган қисмини Автсралияда ўтказиш таклифи берилди, дея хабар бермоқда The Sun.

Нащр журналистининг баёнотига кўра, лига раҳбарияти мавсумнинг қолган қисмини Австралиянинг Перт шаҳрида давом эттириб, мавсумни ўша ерда якунлаш вариантини кўриб чиқмоқда. Илгарироқ АПЛ клублари вакиллари иштирокида ўтказилган видеоконференцияда жорий мавсумнинг қолган барча ўйинлари нейтрал майдонда мухлисларсиз ўтказилиши айтилганди.

“Мен клублар вакиллари билан бу борада музокаралар олиб бордим, уларга бу ғоя ёқди. Шунингдек, ҳукумат расмийларига ҳам бу борада мурожаат қилдим, уларга ҳам бу таклиф маъқул тушди. Бу ерда барчаси хавфдан ҳоли. Австралия ҳукумати карантин билан боғлиқ кўплаб чекловларни бекор қилишган”, дея таъкидлади манба.

1 май ҳолатига кўра, Австралияда коронавирусдан касалланганлар сони 6778 нафарни ташкил этмоқда. 93 та ҳолатда ўлим қайд этилган бўлса, 5775 нафар киши бутунлай бу дарддан халос бўлган.

Ссылка :

Источник : The Sun

Получайте новости прямо в Telegram!

Рейтинг: +2